1Jaɨkue rupi Samuel jei Saúl pe:
—YandeYa ko cheokuai roparavo yave mburuvicha guasurä, jëta imbae vae Israel iñemuña reta re;
23Echa mbaekuaa rupi mbae maratuta vae re oikuaa vae iyoa rami ko ipɨapochɨ vae iyoa;
tumpa-raanga omboete vae rami ko iñeereendumbae.
Nde reröɨro yandeYa iñee jeko pegua,
jae ñereröɨro vi agüɨye vaerä reiko mburuvicha guasurä.”
24Jayave Saúl jei Samuel pe:
—Ayapo mbaeyoa; echa ayavɨ yandeYa iporookuai reta jare neñee reta, echa akɨɨye ramo opaete vae güi jare amborɨ katu jae reta iñee. Neɨ̈ro cheve añave cheyoa re,
25jare yaja che ndive amboete vaerä yandeYa.
26Jare Samuel jei Saúl pe:
—Ngaraa ma aja nde ndive; echa reröɨro yandeYa iñee, jare yandeYa nereröɨro ma agüɨye vaerä reiko mburuvicha guasurä Israel iñemuña reta re.
27Jare Samuel oyerova ma ojo vaerä yave, jae oipɨɨ jemimonde jembeɨ pe, jare osoro chupe.
28Jayave Samuel jei chupe:
—Körai yandeYa omondoro añave ndeporookuaía Israel iñemuña reta güi, jare omee metei nerëtaɨgua pe, jeko kavi yae ndegüi vae pe.
29Jare Tumpa Israel iyemboetea ngaraa iyapu jare ngaraa vi oipoepɨ iyemongeta, echa jae mbaetɨ ko kuimbae rami oipoepɨ vaerä iyemongeta.
30Jare jei:
—Ayapo mbaeyoa. Ërei romoñera chemboete vaerä mburuvicha rami Israel iñemuña reta jóvai jare itenondegua reta jóvai, jare eyu che ndive amboete vaerä ndeYa Tumpa.
31Jare Samuel ojo Saúl ndive, jare Saúl omboete yandeYa.
32Jaɨkue rupi Samuel jei:
—Peru cheve Agag, mburuvicha guasu Amalec pegua.
Jare Agag ou Samuel jóvai oyerovia reve jare jei iyeupe: “Oasa ma mano jasɨ katu yae vae.”
33Jare Samuel jei:
—Ndekɨsepuku pe reeya jeta kuña reta imembɨmbae, jökoraita opɨta ndesɨ imembɨmbae ïru reta ipɨte pe.
Jayave Samuel opa oyasɨa sɨa Agag yandeYa jóvai Gilgal pe.
34Javoi jaɨkue rupi Samuel ojo Ramá pe, jare Saúl ojo jëta kotɨ Gabaa pe.
35Kuae jaɨkue rupi mbaetɨ ye Samuel oecha Saúl opaete oikove oiko ramboeve. Samuel oäpiro Saúl, jare yandeYa ipɨatɨtɨ oñono ramo Saúl mburuvicha guasurä Israel iñemuña reta re.
Who We AreWhat We EelieveWhat We Do
2025 by iamachristian.org,Inc All rights reserved.
