1YandeYa jei cheve:
2“Ekua oñaeu-apo vae jo pe, joko pe aendukata ndeve cheñee reta.”
3Jare aja oñaeu-apo vae jo pe, aecha oparavɨkɨ oï jembiporu omboyere vae pe.
4Jare mbaerɨru oyapo oï vae oikomegua chugüi yave, oyapo pɨau ye ïru mbaerɨru, jae oipota rami kavi.
5Jayave yandeYa jei cheve:
6“Kuae oñaeu-apo vae tuyuapo ndive oyapo rami ¿mbaetɨ yera chepuere pe Israel iñemuña reta ndive ayapo? Chepo pe ko peï, oñaeu-apo vaeIs 64.8; Ro 9.20-21. ipo pe tuyuapo oï vae rami, Israel iñemuña reta.
7Che jae metei jeia pe oyemboai jare oñemokañɨtei vaerä tëtaguasu reta ani mborookuaía reta.
8Ërei jókuae tëtaguasu reta oyepoepɨ ikavimbae güi yave, mbaetɨta ma ambou mbaeporara amokätɨro anoi jese reta vae.
9Che jae vi metei jeia pe amopüa jare oï kavi ye vaerä tëtaguasu reta ani mborookuaía reta.
10Ërei jókuae tëtaguasu reta oyapo ikavimbae jare mbaetɨ oendu reta jaegüe yave, ngaraa ma ambou chupe reta mbae ikavi vae amokätɨro ambou vaerä chupe reta vae.
11Ere, Judá pegua reta pe jare Jerusalén pe yogüɨreko vae reta pe, yandeYa jei körai: ‘Ayemongeta aï pekotɨ, aiporarauka vaerä peve. Peyepoepɨ mo ikavimbae güi, peyapo kavi pereko jare perembiapo reta.’
12Ërei jae reta jeita ndeve: ‘¡Joko peño mo, nemiariiño ma! Romboete ñotai ko oretumpa-raanga reta; roikota orepɨa jemimbota rupiño.’ ”
13Jáeramo yandeYa jei körai:
“Peparandu tëtaguasu reta rupi,
oime ra kia oendu kuae nunga vae:
¡Israel pegua reta oyapo ikavimbae yae vae!
14¿Ɨvɨtɨ Líbano re iroɨ morotï vae,
okañɨ ra amo pe?
¿Tɨpata ra ɨ iröɨsa kavi vae,
ɨvɨtɨ kotɨ güi ogüeyɨ vae?
15Ërei tëta chembae iñakañɨ chegüi,
oapɨ ikäti kavi vae incienso tumpa-raanga reta pe.
Opia jape ñɨma vae güi,
jare oguata jókuae tape oikuaambaea rupi.
16Jökorai iɨvɨ oipoepɨ, ɨvɨ ipombae pe,
opaete vae okɨɨye yae vaerä jekuae avei pegua.
Opaete oasa jokoropi vae
iñäka ombovavata jare ipɨakañɨta jese.
17Ɨvɨtuai rami ko,
che opata amoai Israel iñemuña reta jovaicho reta jóvai;
chekupeño ameeta chupe reta, ngaraa cherova,
oväe yave iara oiporara reta vaerä.”
Yemomburu ñeemombeúa kotɨ18Opaete vae reta jei: “Yayapo kavi metei yemongeta Jeremías kotɨ. Echa ngaraa oata sacerdote reta pe yandemboe vaerä, ani yarakuaa katu vae reta oporomboarakuaa vaerä, ani ñeemombeúa reta Tumpa iñee omombeu vaerä. Peyu yamboeko mbae re, agüɨye etei yayeapɨsaka iñee re.”
Jeremías iyerure19¡CheYa Tumpa, eyeapɨsaka cheré!
¡Eendu oyemboyovaicho chekotɨ vae reta jeigüe!
20¿Ikavimbae pe yera oyemboekovia ikavi vae?
¡Jae reta oyoo rami ɨvɨkua cherekove peguarä!
Nemaendúa che añeñono nderóvai
romoñera vaerä jese reta,
rembosɨrɨ vaerä chugüi reta ndearasɨ.
21¡Ërei añave, emee taɨ reta
omano reta vaerä karuai ani ñeraro rupi;
topɨta kuña reta imembae jare imembɨmbae!
¡Mbaerasɨ yavaetegüe toyuka kuimbae reta,
jare ikunumi reta tomano ñeraroa pe!
22Embou chupe reta iparanoe jetagüe tovaicho.
¡Jäse reta toyeendu jo rupi okɨɨye güi!
Echa oyoo reta ɨvɨkua chepɨɨ vaerä,
ñuai oñono reta cheraperä pe.
23Ërei nde, cheYa Tumpa, reikuaa katu yemongeta
oyapo reta cheyuka reta vaerä vae.
¡Agüɨye neɨ̈ro chupe reta ikavimbae oyapo vae re,
iyoa re ave agüɨye neɨ̈ro!
¡Tomano reta nderóvai,
eiporarauka chupe reta ndearasɨ yae reve!
Who We AreWhat We EelieveWhat We Do
2025 by iamachristian.org,Inc All rights reserved.
