NEHEMÍAS 9 - Guarani Bible with DC

Esdras oyerure Israel iñemuña reta iyoa reta re

1Jókuae yasɨ yeño, veinticuatro araa pe, oyemboatɨ Israel iñemuña reta oyekuaku reve tembíu güi jare oyemonde reve temimonde mbɨatɨtɨ pegua pe, oñono reta reve ɨvɨ iñäka re ipɨatɨtɨ güi,

2jare opaete Israel iñemuña reta oyembosɨrɨ ma yepe ketɨgua reta

13Jare regüeyɨ ɨvɨtɨ Sinaí re, nemiari jae reta ndive ara kotɨ güi, remee chupe reta yemongeta kavi, mborookuai reta añetetegüe jare ikavigüe.

14Jare reyókuai vi oñono tee reta vaerä ara mbutuu, jare nderembiokuai Moisés ipo rupi

16Ërei ngatu oreñemuñagüe reta ipɨa yemboete jare ipɨa täta, jare mbaetɨ oyeapɨsaka reta ndeporookuai reta re.

17Mbaetɨ ikɨ̈reɨ reta oyeapɨsaka, ani imaendúa reta mɨakañɨ reta reechauka chupe reta vae re. Oyembopɨa täta reta, jare ipɨarai jeko pegua oyemongeta reta jare oiparavo reta iyeupe metei itenondeguarä, jae güɨraja ye vaerä yeokuaiasɨ katúa kotɨ, Egipto pe.

22Jare tëta guasu reta juvicha guasu reve jare tëta raɨ reta remee ipo reta pe, jare opa remboyao yao jókuae ɨvɨ chupe reta; jare oike reta yogüɨreko ɨvɨ Hesbón mburuvicha guasu Sehón iɨvɨ pe, jare ɨvɨ Basán mburuvicha guasu Og iɨvɨ pe.

26Ërei oyemboapɨsaä reta ndeve, oñemopüa reta ndekotɨ, güɨröɨro reta ndeporookuai. Neñeemombeúa reta omboeta jeko re chupe reta, oipota ramo omboyerova reta ye tëi ndekotɨ, ërei jae reta oyuka, jare oyapo reta mbae pɨ̈chɨi yae vae.

27Jáeramo, opa remee jovaicho reta ipo pe, jare jae reta oiporarauka chupe reta. Ërei mbɨatɨtɨ pe ma ñogüɨnoi yave, oyerure reta ndeve, jare nde ndeporoparareko yae jeko pegua reendu chupe reta ara güi; remee kuimbae oporoepɨ vae reta, güɨroasayepe vaerä jovaicho reta güi.

28Ërei yogüɨreko pɨagüive ye ma yave, jekuae oyapo reta ye ikavimbae nderóvai; jáeramo, reeya jovaicho reta ipo pe, jae reta oiporarauka vaerä chupe reta. Jare jekuae oiporu reta ye ndeve remborɨ vaerä yave, nde, ndeporoparareko yae jeko pegua, reendu ara güi chupe reta iyerure, jare jekuaekuaeDt 32.15-43; Jue 2.11-16. reepɨ ye jovaicho reta güi.

29Remboeta chupe reta oyerova ye vaerä ndeporookuai kotɨ; ërei jae reta oyembopɨapochɨ, mbaetɨ oendu jare iyoa reta ndeporookuai kotɨ, kuimbae oyapo ndeporookuai reta jeigüe yave oikove; oñemopüa reta ndekotɨ, oyembopɨa täta reta,Lv 18.5. jare mbaetɨ oyeapɨsaka reta.

30Reropɨa reta ɨma año rupi, jare remboyeandu reta tëi ndeEspíritu rupi, neñeemombeúa reta rupi, ërei mbaetɨ oyeapɨsaka reta;2 R 17.13-18; 2 Cr 36.15-16; Zac 7.12. jáeramo, remee tëta ambuae vae reta ipo pe.

31Ërei ndeporoparareko yae jeko pegua mbaetɨ opa remokañɨtei reta, jare mbaetɨ vi reeya reta; echa nde ko Tumpa oyeaeä vae jare iporoparareko vae.

32Jáeramo, oreTumpa, Tumpa tuicha yae vae, imbaepuere yae vae, kɨɨyea yae vae, iporoparareko avei vae, jare ombopo iñee oñererökuavee mbae oyapo vaerä yave vae, agüɨye emaeiño oreruvicha guasu reta, oreruvicha reta, oresacerdote reta, neñeemombeúa reta, oreñemuñagüe reta jare opaete vae oiporara vae re, arakae mburuvicha guasu Asiria pegua reta2 R 15.19,29; 17.3-6; Esd 4.2,10. yogüɨreko güive añave regua.

33Ërei nde mbaetɨ ko ndereko opaete mbaembae ou oreve vae re; echa jupi rupi ko nde reyapo vae, ore ko royapo ikavimbae.

34Oreruvicha guasu reta, oreruvicha reta, oresacerdote reta, oreñemuñagüe reta mbaetɨ oyapo ndeporookuai jeigüe, jare mbaetɨ oyeapɨsaka reta ndeporookuai reta re, ani yeandu reyapo tëi chupe reta vae re.

35Jare jae reta yogüɨreko ramboeve iɨvɨ ae pe, jare jeta mbaembae ikavigüe remee chupe vae rupi, jare ɨvɨ kavi remee chupe reta vae pe mbaetɨ ndemboete reta, mbaetɨ vi oeya reta jembiapo ikavimbae.

36Jare añave roiko tembiokuairä kuae ɨvɨ nde remee oreñemuñagüe reta pe vae pe, kuae ɨvɨ güi okaru jare oyekou retata tëi vae pe.

37Kuae ɨvɨ pe jeta mbaembae oñemuña vae, opɨta mburuvicha guasu reta ambuae vae reñono oreré vae jou vaeräño; jókuae mburuvicha reta güɨnoi mbaepuere oreré oreyoa jeko pegua jare orerɨmba reta re vi. Jáeramo, roiporara yae roï.”

Opaete vae oñererökuavee oyapo vaerä mborookuai jeigüe

38Añave, ore roñererökuavee jare roikuatía, jare jókuae oyekuatiagüe re oreruvicha reta, oresacerdote reta jare levita reta omboguapɨ vi jee.