DEUTERONOMIO 30 - Guarani Bible with DC

Mbaembae reta oime vaerä ñeñono kavi jare mborerekua

1Ou güire peve opaete kuae mbaembae reta, mborerekua jare yepopeyu añono peiparavo vaerä vae, javoi peipoepɨ yave peyemongeta ikavimbae pepɨa pe penoi vae, opaete kerupi tëtaguasu reta yandeYa Tumpa pemomboa rupi,

2jare peyerova ye yandeYa Tumpa kotɨ opaete pepɨa ndive jare perekove ndive yave, jare peendu yave yandeYa iñee che añave poyókuai rami, pe jare peraɨ reta,

3jayave yandeYa pereroyerova yeta peyererajaukaa kotɨ güi, jare güɨnoita mboroparareko pekotɨ; pereru yeta opaete ketɨ ketɨ tëta reta kotɨ güi, yandeYa Tumpa opa pemoai moaia kotɨ güi.

4Yepe tëi peɨvɨ güi oyemombogüe reta, opa oñemoai ñogüɨnoi mombɨrɨ ïru ɨvɨ rupi, joko güi yandeYa Tumpa pereru yeta;

5pereru yeta jókuae ɨvɨ peñemuñagüe reta imbaegüe pe, jare penoita pembaerä, oyapota peve ikavi vae jare pemoñemuñata jeta yae peñemuñagüe reta güi.

6Jare yandeYa Tumpa ombocircuncidata pepɨa,

15Mase, che añono añave peróvai peiparavo vaerä tekove ani ikavi vae, mano ani ikavimbae;

16echa che poyókuai añave, peaɨu yandeYa Tumpa, peiko jemimbota rupi, jare peñovatu iporookuai reta, peikove vaerä jare peñemuña vaerä jeta, jare yandeYa Tumpa tiporerekua peré ɨvɨ peiketa peiko pɨpe vae pe.

17Ërei pepɨa osɨrɨ jare mbaetɨ peendu yave, peyemombiauka yave, pemboete tumpa ambuae reta yave, peyetavatɨka jóvai yave,

18tamombeu kavi voi peve añave: Opata ko pemano; mbaetɨta amaeño peré, peiko puku jókuae ɨvɨ peota peiko pɨpe vae pe, ɨ̈aka Jordán jovaicho kotɨ.

19Ara jare ɨvɨ jovake añave aikuaauka peve, kërai añono peróvai tekove jare mano, mborerekua jare yepopeyu; peiparavo añave tekove, peikove vaerä pe jare peñemuña reta;

20peaɨu yandeYa Tumpa, peendu iñee, peguata avei jupíe; echa jae ko tekove iya peveguarä, peiko puku vaerä; peiko vaerä jókuae ɨvɨ yandeYa güɨrökuavee jee re peñemuñagüe Abraham,Gn 12.7. IsaacGn 26.3. jare JacobGn 28.13. pe vae pe.”