1¡CheRu Tumpa, nde ko jae cheTumpa!
Ndei köe mbove roekata,
echa cheɨuve yae rami nderé,
cherete etei ndereeka,
ɨvɨ otini jare ɨ mbaetɨa pe rami.
2¡Chekɨ̈reɨ roecha ndero mbaemboetea pe,
jare chepɨakañɨ ndembaepuere re jare ndeyemboetea re,
3echa ikavi yae ko ndeporoparareko tekove güi!
Romboeteta tairari ndive.
4Jökorai romboeteta opaete cherekove rupi,
nderee re aupita chepo ayerure.
5Cheangapɨɨ kavita, maekägüe iñaputuu re
jare soo ikɨra kavi vae jou vae yangapɨɨ kavi rami,
romboeteta yerovia katu reve.
6Pɨ̈tu rupi cherupa pe chemaendúa nderé;
pɨare mbɨte rupi ayemongeta nderé.
7Echa nde ko jae chemborɨ vae.
¡Ndepepo igüɨ pe ayerovia katuta!
8Cherekove oyaasɨ oï nderé;
ndepo ndeakatu cheoko.
9Ërei oipota tëi cheyuka vae reta,
oata ɨvɨgüɨ kotɨ, omanogüe reta ñogüɨnoia pe;
10¡kɨsepuku pe omano retata,
toiko reta aguarayaɨmba jembiurä!
11Ërei che mburuvicha guasu ayeroviata nderé;
oyemboeteta opaete jei nderee re vae,
echa iyapu imiari vae reta, iyuru oyeokendata.
Who We AreWhat We EelieveWhat We Do
2025 by iamachristian.org,Inc All rights reserved.
