2 CORINTIOS 1 - Guarani Bible with DC

Tamaraeme reta

1Che Pablo, Jesucristo jemimondo Tumpa jemimbota rupi. Yanderɨvɨ Timoteo ndive romondo kuae tupapire opaete peporogüɨrovia vae Corinto peHch 18.1. peï vae reta pe, jare opaete oporogüɨrovia vae Acaya rupi ñogüɨnoi vae reta pe.

2YandeRu Tumpa jare yandeYa Jesucristo toï peve ipɨakavi jare ipɨakatu.

Pablo oiporara vae regua

3Toyemboete Tumpa, yandeYa Jesucristo Tu. Jae ko yandeRu iporoparareko jare oporombopɨakatu vae,

4echa jae yandembopɨakatu opaete yaiporara vae rupi, yandepuere vaerä vi yambopɨakatu ïru oiporara ñogüɨnoi vae reta, Tumpa yandembopɨakatu rami.

5Echa yaiporara yae yave Cristo re yarovia jeko pegua, yandepɨakatu yaeta vi Cristo rupi.

6Ërei ore roiporara yave, roiporara ko pe reta penoi vaerä mbɨakatu jare yemboasa. Jare Tumpa orembopɨakatu yave, orembopɨakatu ko penoi vaerä mbɨakatu jare yemboasa. Jare jökorai pepuere peropɨa peiporara yave ore rami.

7Jare jekuaeño pogüɨrovia katu yae. Echa roikuaa kërai pe reta vi peiporara ore roiporara rami. Jaeramiño vi roikuaa kërai Tumpa pembopɨakatu orembopɨakatu rami.

8Cherɨvɨ reta, roipota peikuaa kërai roiporara Asia pe1 Co 15.32. roiko yave vae. Roiporara yae. Orepuereä ma rogüɨropɨa. Jáeramo royemongeta opa potaecha romano.

9Royemongeta jaema ko romanota vae, agüɨye vaerä royeko oreyé aeño, jaeño Tumpa omoingove ye omanogüe vae reta vae re.

10Echa jae orereroasayepe mano güi, jare jekuae orereroasayepe yeta mano güi,

11pe reta oremborɨ peyerure oreré vae rupi. Jökorai jeta vae reta iyerure rupi oñemee oreve Tumpa ipɨakavi. Jare jeta vae omee yasoropai Tumpa pe.

Maera Pablo mbaetɨ räri ojo Corinto pe

12Ore roiko kavi oporogüɨroviambae vae reta ipɨte pe jare pepɨte pe vi, Tumpa oremborɨ ramo. Mbaetɨ etei roporombotavɨ. Jare körai roiko Tumpa ipɨakavi rupi, mbaetɨ roiko orearakuaa rupiño. Jáeramo royerovia.

13Echa peikuaa pemongeta rami kavi roikuatía peve peikuaa kavi vaerä. Jare aipota jekuaeño peikuaa kavi yae;

14echa pe reta peyerovia oreré. Jaeramiño vi ore royeroviata peré yandeYa Jesús ou ye yave.

15Kuae ayemongeta ramo, tenonde aipota aja pépɨri, peyerovia vaerä mókoi vese,

16echa aipota apou pépɨri MacedoniaHch 19.21. pe aja yave jare ayu ye yave, jare pe reta chemborɨ vaerä aja Judea kotɨ.

17Jare ayemongeta yave jökorai ayapo vaerä, mbaetɨ ayemongetaiño jese. Echa ayemongeta yave mbae ayapo vaerä, mbaetɨ etei ayemongeta cheremimbota rupiño. Che mbaetɨ ko jae jaeiño.

18Tumpa oikuaa ko ngaraa roe roeiño.

19Echa Tumpa Taɨ Jesucristo che jare Silvano jare TimoteoHch 18.5. romoërakua peve vae, oipoepɨ katu iyemongeta vaeä ko.

20Echa opaete Tumpa güɨrökuavee vae Cristo oyapota ko. Jáeramo romboete yave roe: “Amén” Tumpa pe, Cristo rupi.

21Jare Tumpa ko ñanemomɨ̈rata jare ñanemometei Cristo rupi;

22jare jae ñanemokañɨmaa Espíritu Santo pe, oñono yandepɨa pe Espíritu SantoEf 1.14. jae ko oikuaauka jae imbae ete ko yande vae.

23Jare ndeiño aja pépɨri, agüɨye vaerä añeengata peve, Tumpa oikuaa kuae amombeu peve vae añete ko.

24Mbaetɨ ko rogüɨnoi mbaepuere peporogüɨrovia re. Echa pepɨ̈rata ma peporogüɨrovia re. Jaeño roipota pomborɨ, pe reta peyerovia vaerä.