ÉXODO 31 - Guarani Bible with DC

Bezaleel jare Aholiab oñeenɨi vae(Ex 35.30—36.1)

1YandeYa jei Moisés pe:

2“Mase, Judá iñemuña pegua güi che aiparavo Bezaleel, Uri taɨ, Ur jɨmɨmino,

3jare amee chupe Tumpa iEspíritu, arakuaa katu, oikuaa katu yae vaerä mbaembae jare ipoki yae vaerä opaete mbaembae oyapo,

4oikatu yae vaerä mbae ojäa kavi oyapo, oro pegua, korepoti pegua, jare jiero iyu vae pegua,

5oikatu vaerä oñopa ita jepɨ vae mbae omopöra vaerä, oikatu yae ɨvɨra güi mbae oyapo vae, oikatu vaerä oyapo oipotagüe mbaravɨkɨ.

6Jare amee imborɨarä Aholiab, Ahisamac taɨ, Dan iñemuña pegua jare opaete yarakuaa vae reta pe amee kɨ̈reɨ ngatu oyapo reta vaerä che royókuai vae:

7Tupao guakapi pegua, käjou yemomaendúa pegua jare ñɨ̈ro renda käjou itapa, opaete tembiporu reta tupao guakapi pegua,

8mesa jare jembiporu reta, mechero renda oro oyeambae pegua jare opaete jembiporu reta, ikäti kavi vae incienso oyeapɨ jese vae,

9mɨmba oyeyukagüe opaetei oyeapɨ jese vae jare opaete jembiporu ndive, ɨrɨru jare iguapɨka,

10temimonde oñeñono tee vae sacerdote Aarón peguarä jare taɨ reta peguarä, mbaravɨkɨ sacerdote pegua oyapo reta yave omonde vaerä,

11asaite yeparavo pegua jare incienso ikäti kavi yae vae o mbaemboetea peguarä. Kuae kuimbae reta toyapo che royókuai rami etei.”

Ara mbutuu regua(Ex 35.1-3)

12YandeYa jei ye Moisés pe:

13“Nde ere Israel iñemuña reta pe: ‘Pemboete ara reta mbutuu pegua cheveguarä oyeapo vae; echa jae ko ikañɨmaa vaerä cheve, jare peve jekuae avei rupi, peikuaa vaerä che ko peYa poñono tee vae.

14Jayave pemboete ara mbutuu pegua oñeñono tee ko peveguarä; kuae ara omboetembae tomano. Echa oipotagüe oyapo yave mbaravɨkɨ kuae ara, jókuae nunga toyemombo ete kavi Israel iñemuña reta ipɨte güi.

15Ova ara toyeparavɨkɨ, ërei chiúa ara pe, ara mbutuu pegua ko oñeñono tee che peYa pe.Toro taɨrusu vae iä oro pegua(Dt 9.6-29)

18Opa ma Tumpa imiari Moisés ndive ɨvɨtɨ Sinaí re yave, omee chupe mókoi ita yemomaendúa pegua, jókuae mókoi ita ipe vae, Tumpa ipoäka pe etei mborookuai reta oikuatía jese vae.