SALMOS 40 - Guarani Bible with DC

SALMO 40Mbaemboete Tumpa iporogüɨroasayepe re

1Chepɨaguasu reve aäro yandeYa,

jae omboɨke iyapɨsa chekotɨ oendu vaerä chesapúkai;

2jare cherenoeuka ɨvɨkua yasuru vae güi,

tuyuapo yasuru yae vae güi.

Oñono chepɨ ita tuicha vae re;

jare chemopɨ̈rata aguata vaerä.

3Oñono cheyuru pe tairari ipɨau vae,

tairari mbaemboete pegua ñaneTumpa pe.

Jeta vae kuae oechata, jare ipɨakañɨta,

jare oyeko retata yandeYa re.

4¡Toyerovia kuimbae oyeko yandeYa re vae,

mbaetɨ omae ipɨayemboete vae reta re vae,

ani tumpa-raanga omboete vae reta re vae!

5CheYa Tumpa,

jeta yae ko mɨakañɨ reta reyapogüe

jare ndeyemongeta reta orekotɨ.

¡Oyepapa rapeä nderóvai!

Yepe tëi amoërakua jare chemiari jese reta,

ngaraa opa amoërakua.

6Mɨmba oyeyukagüe jare mbota mbaetɨ ndembopɨakatu;

mɨmba oyeyukagüe opaetei oyeapɨ vae jare ñɨ̈ro pegua mbaetɨ reeka oreve,

ërei reipea cheapɨsa.

7Jáeramo jae: “Mase, ko ayu;

tembikuatía oyepomombɨ vae pe,

oyekuatía oï cheregua.

8Nderemimbota ayapo vae chemboyerovia cheRu Tumpa.

¡Ndeporookuai oï chepɨa pe!”

9Amoërakua jupi vae jeta yae vae oyemboatɨa pe,

mbaetɨ chekïrii apɨta,

cheYa, nde reikuaa.

10Mbaetɨ cheyeño anoi nde ko jupi vae,

amoërakua jupi reyapo vae jare reporogüɨroasayepe vae.

Mbaetɨ aikuaku ndeporoparareko jare neñee añete vae yemboatɨ tuicha vae rupi.

11CheYa, agüɨye neräkateɨ cheve ndeporoparareko re,

ndeporoparareko jare neñee añete vae rupi cheövatu avei.

12Echa jeta yae ikavimbae ou cheré,

cherupitɨ ikavimbae ayapogüe,

mbaetɨ chemomae;

chea güi jeta yeyé oñemoïru cheve,

mbaetɨ ma chembopuere.

13CheYa Tumpa, eyapo ikavi vae cheve, chereepɨ.

CheYa, jarembae voi eyu chemborɨ.

14Metei rami toñemomaraiuka reta,

cheyuka vaerä chereeka vae reta,

totekuarai reta chegüi, toñemomaraiuka reta,

ikavimbaeño oipota cheve vae reta.

15Topa totekuarai imara reve.

¡Osapúkai púkai cheré vae reta!

16Ërei toyekou jare toyerovia nderé opaete ndereeka vae reta;

oaɨu avei ndeporogüɨroasayepe vae reta, tei:

“¡YandeYa tuicha yae ko!”

17Yepe tëi chepɨatɨtɨ jare mbae oata cheve,

nde cheYa nemaenduata cheré.

Nde ko jae chemborɨ vae jare chereroasayepe vae.

¡CheRu Tumpa, agüɨye ndepɨaguasu!