FILEMÓN 1 - Guarani Bible with DC

Tamaraeme

1Che Pablo, Jesucristo jembipɨɨ jare yanderɨvɨ Timoteo, roikuatía kuae tupapire ndeve, oreparavɨkɨ ïru roaɨu vae Filemón,

2jare vi yandereindɨ yaaɨu vae Apia jare yandeparavɨkɨ ïru Arquipo pe,Col 4.17. jare opaete oporogüɨrovia vae reta ndero pe oyemboatɨ vae pe.

3YandeRu Tumpa jare yandeYa Jesucristo ipɨakavi jare ipɨakatu toï pe ndive.

Filemón iporoaɨu jare iporogüɨrovia

4Amee yasoropai Tumpa pe chemaendúa avei reve cheyerure rupi nderé,

5echa jërakua cheve mboroaɨu jare mborogüɨrovia nde renoi yandeYa Jesús kotɨ jare opaete oporogüɨrovia vae reta kotɨ vae.

6Ayerure vi nde remoërakua ndeporogüɨrovia vae, reikuaa kavi vaerä opaete mbae ikavi vae Cristo Jesús rupi ñanoi vae.

7Royerovia yae jare orepɨakatu ndeporoaɨu re, echa nde cherɨvɨ rembopɨakatu oporogüɨrovia vae reta.

Pablo omoñera Filemón, Onésimo re

8Jáeramo che jupi ko royókuai vaerä tëi Cristo jee re mbae reyapo vaerä.

9Ërei mboroaɨu reve romoñera; che chendechi ma ko, jare añave Jesucristo jembipɨɨ;

10romoñera cheraɨ OnésimoCol 4.9. re. Echa jae ayapo ma cheraɨrä yandeYa re tembipɨɨrɨru pe aï ramboeve.

11Tenonde yave Onésimo tembiokuai kaviä ndeve. Ërei añave tembiokuai kavi ma ko yandeve.

12Jare amondo ye ndeve, emboresive, che etei chemboresive rami.

13Echa aipota tëi viña amombɨta che ndive, jae oyeokuai vaerä cheve ndepoepɨka pe, kuae tembipɨɨrɨru pe aï ramboeve ñee ikavi vae jeko pegua.

14Ërei mbaetɨ ayapo jökorai mbaetɨ aikuaa ndeyemongeta ramo; aipota reyapo vaerä ikavi vae cheve nekɨ̈reɨ ngatu reve, mbaetɨ royókuai güiño.

15Güɨramoi Onésimo osɨi ndegüi michi pegua, nde renoi ye vaerä jekuae avei pegua;

16ërei mbaetɨ ma metei tembiokuai rami, tembiokuai oasa ete ye ikavi vae ma ko; emboresive yanderɨvɨ yaaɨu vae rami. Che aaɨu ko, jaeramiño vi nde reaɨu yaeta ko, mbaetɨta kia yaaɨu vae ramiño, yaaɨu ete kavi yandeYa re.

17Jáeramo, nde remae cheré neïru ko yave, emboresive kavi nde chemboresive rami.

18Jae oyapo yave ikavimbae vae ndeve ani ipía yave ndeve mbae re, che tamboepɨ.

19Chepo pe etei aikuatía ndeve kuae. Che tamboepɨ ndeve. Ërei chepuere romomaendúa kërai nde ndepía vi cheve ndeyé.

20Añete ko, cherɨvɨ, eyapo kuae ikavi vae cheve yandeYa re. Chembopɨakatu yandeYa re.

21Aikuatía körai ndeve, aikuaa katu nde reyapota ko che jae ndeve vae ramo. Aikuaa katu vi reyapota ko jeta yae che jae ndeve vae güi.

22Romoñera vi reyapokatu vaerä cheve apɨta pepɨ vaerä. Echa arovia pe reta peyerure Tumpa pe cheré vae rupi ajata pépɨri.

Tamaraeme reta

23Epafras,Col 1.7; 4.12. cheïru tembipɨɨ rɨru pe Cristo re vae omondo tamaraeme ndeve.

24Jare chemborɨ vae reta Marcos,Hch 12.12,25; 13.13; 15.37-39; Col 4.10. Aristarco,Hch 19.29; 27.2; Col 4.10. DemasCol 4.14; 2 Ti 4.10. jare LucasCol 4.14; 2 Ti 4.11. omondo ndeve tamaraeme.

25YandeYa Jesucristo ipɨakavi toï nde ndive. ¡Amén!