1CheRu Tumpa, cheRu Tumpa,
¿maera pa chereeya?
¿Maera pa mbaetɨ reyu chemborɨ?
¿Maera pa mbaetɨ reendu cheräse aï vae?
2CheRu Tumpa,
ara pe asapúkai ndeve,
ërei mbaetɨ reendu cheve,
pɨ̈tu yave mbaetɨ chepuere aputuu.
3Ërei nde ko iyoambae,
nde ko Israel iñemuña reta ndemboete vae.
4Oreñemuñagüe reta oyeko nderé,
oyeko reta nderé jare nde reyora.
5Osapúkai reta ndeve yave reyora,
oyeko reta nderé jare mbaetɨ oñemomaraiuka reta.
6Ërei che ko taso rami, mbaetɨ ma kuimbae rami;
¡cheyóyai yóyai kuimbae reta, chemotareɨ opaete vae reta!
7Opaete chereecha vae cheyóyai yóyai,
iyuru ambuae jare oñeäkambovava
9Ërei nde ko remee aa vaerä chesɨ jɨe güi,
nde ko cheangareko akambu güive.
10Chesɨ jɨe peve cheangareko,
chesɨ jɨe peve nde ko jae cheTumpa.
11Agüɨye esɨrɨ chegüi,
echa tembiporara köi yae oï chegüi,
jare mbaetɨ kia chemborɨ vaerä.
12Cherovaicho reta cheöva jeta toro rami,
Basán pegua toro pochɨ jare ipɨ̈rata vae rami.
13Yaguapope pochɨ oñee vae rami,
oyurupeka oporepeña reta cheré.
14Aiko ɨ oyepɨyere vae rami;
mbaetɨecha chekägüe iyoapɨa.
Chepɨa iraitɨ rami,
ochɨrɨrɨecha cheɨvɨte pe.
15Cheyuru otini takɨpe rami,
chekü oya cheäpeku re;
¡nde cheñono amano vaerä!
16Echa yaɨmba reta rami cheöva reta,
jeta jeko kavimbae reta cheöva;
omombu reta chepo jare chepɨ.
17¡Chepuere aipapa opaete chekägüe chepiru ramo!
Jökorai ramboeve jae reta omae ñogüɨnoi cheré;
18omboyao reta oyoupe cheremimonde;
jare cheremimonde re oyombosuerte reta.
19Ërei ngatu, nde cheYa chemomɨ̈rata vae,
¡agüɨye esɨrɨ! ¡Jarembaeño eyu chemborɨ!
20Chereepɨ kɨsepuku güi,
chereepɨ kuae yaɨmba reta imbaepuere güi.
21Chereroasayepe yaguapope iyuru güi,
¡jare chereepɨ toro pochɨ vae reta güi!
22Amoërakuata nderee cherëtara reta pe;
ndembae vae reta oyemboatɨa pe romboeteta.
23Pemboete yandeYa, pe peipoɨu chugüi vae reta,
¡opaete pe Jacob iñemuña reta, pemboete yandeYa!
¡Peipoɨu chugüi, opaete pe Israel iñemuña reta!
24Echa jae mbaetɨ güɨröɨro ani omaeiño paravete vae reta oiporara vae re.
Mbaetɨ oñemi chugüi reta,
¡jae oendu chupe reta, oeka reta iporomborɨ yave!
25Jeta yae vae ndembae vae reta oyemboatɨ vae jovake, romboeteta;
añererökuavee amee vaerä ndeve vae ayapota,
oipoɨu ndegüi vae reta jovake.
26Okaruta yogüɨrekoasɨ katu vae reta, jɨ̈vɨata regua;
yandeYa oeka vae reta, omboeteta,
jare yogüɨrekopukuta.
27Imaendúa retata jare yogüeruta yandeYa kotɨ,
opaete ɨvɨ pegua reta,
opaete tëtara ñavo tëtaguasu reta pegua;
¡ombaemboete retata!
28Echa yandeYa mburuvicha guasu ko,
jae oporookuaita opaete tëtaguasu reta re.
29Okaru retata jare omboete retata, opaete oikokatu vae reta;
oyetavatɨka retata jóvai, opaete ojota ɨvɨkuirä vae,
mbaetɨ ipuere iyeugüi aeño oikove vae reta.
30Taɨkuegua reta oyeokuaita chupe,
jae reta imiarita yandeYa re taɨkuegua ñemuña reta pe.
31Omoërakuata tëta oimeta vae reta pe,
Tumpa jupi vae re jare jembiapo re.
Who We AreWhat We EelieveWhat We Do
2025 by iamachristian.org,Inc All rights reserved.
