1Mbaeyoa jei jupimbae ipɨa pe,
mbaetɨ vaerä oipoɨu Tumpa güi.
2Omboyukɨ iñee iyeupe aeño,
kërai iyoa mbaetɨta oñeväe jare oñereröɨro chugüi.
3Iyuru güi oë ñee jupimbae jare yembotavɨ pegua;
oeya arakuaa katu jare mbaetɨ ma oyapo ikavi vae.
4Jupa pe oyemongeta ikavimbae reño;
oiko ikavimbae rupi,
mbaetɨ güɨröɨro ikavimbae.
5CheYa, ndeporoparareko oupitɨ ara,
jare ndembaejupi oupitɨ amapɨtu.
6Ndembaejupi ndeɨvɨtɨ guasu rami ko;
neporojäa reta ɨguasu tɨpɨ yae vae rami,
cheYa Tumpa, nde reñovatu kuimbae jare mɨmba.
7¡CheRu Tumpa, ikavi yae ko ndeporoparareko!
¡Jáeramo, kuimbae reta oeka oñepɨ̈ro vaerä ndepepo igüɨ pe rami!
8Ipɨakatuta opɨta reta, jeta tembíu ndero pe oï vae re;
nde remeeta jou ɨ ikavi yae vae,
9echa nde renoi ɨ tekove pegua,
ndereño orepuere roikove.
10Eiparareko ndekuaa vae reta,
jupi vae reta pe emee ndembaejupi.
11Agüɨye toporepeña cheré ipɨapochɨ vae reta,
agüɨye tachemoambeko iyoa vae reta.
12¡Mase, opa oa ikavimbae iyapoa reta,
oyeitɨuka jare ngaraa ye opüa reta!
Who We AreWhat We EelieveWhat We Do
2025 by iamachristian.org,Inc All rights reserved.
