1Israel iñemuña reta oecha Moisés ogüeyɨ raiviä ma ɨvɨtɨ güi yave, oyomboatɨ reta Aarón oïa pe jare jei reta chupe:
—Eyapo oreve tumpa orereroata vaerä; echa Moisés orerenoe ɨvɨ Egipto güi vae, mbaetɨ roikuaa mbae ra oasa vae.
2Jare Aarón jei chupe reta:
—Peekɨ namicha oro pegua perembireko reta güi, peraɨ reta, perayɨ reta inambi re güɨnoi vae, jare peru cheve.
3Jayave opaete vae oekɨ iyeugüi namicha oro pegua, jare güɨraja reta Aarón pe;
4Aarón oipɨɨ chugüi reta, jare omondɨkui oro, jare oyasɨa jiero iyasɨaa pe, oyapo kavi regua metei toro taɨrusu vae iä.
14Jayave yandeYa oipoepɨ ye iyemongeta, ikavimbae oyapota tëi imbae vae reta pe vae güi.
33Ërei yandeYa jei Moisés pe:
—Chekotɨ oyapo mbaeyoa vaeño amboaita cherembikuatía güi.
34Añave, ekua eraja opaete vae reta, che jae ndevea pe, chearaɨgua ojota nderenonde; ërei ñenupa ara oväe yave, che aiporaraukata chupe reta iyoa re.
35Jare yandeYa ombou mbaerasɨ opaete vae re, echa omboete reta toro taɨrusu vae iä, Aarón oyapo chupe reta vae.
Who We AreWhat We EelieveWhat We Do
2025 by iamachristian.org,Inc All rights reserved.
