NÚMEROS 28 - Guarani Bible with DC

Mbota reta ara ñavo pegua(Ex 29.38-46)

1YandeYa jei Moisés pe:

2“Eyókuai Israel iñemuña reta, agüɨye tiñakañɨ reta tomee cheve mbota reta, mbɨyape jare mbota reta oyeapɨ vae, echa jókuae ko jae mbota ipiche katu cheve vae.

3Ere chupe reta: Kuae ko jae mbota oyeapɨ vae pemee vaerä yandeYa pe: Mókoi vecha kuimbae taɨrusu vae, jete kavi vae, metei año vae, ara ñavo toyeapo mɨmba oyeyukagüe opaetei oyeapɨ vae.

4Metei toyeyuka ndeimbove yave, jare ïru kaaru yave.

5Jare mókoi kilo trigokúi ipɨuasɨ kavi vae, metei litro olivo ia oyeapasogüe iasaite pe oyemómbɨu vae.

6Körai ko oñemee mɨmba oyeyukagüe opaetei oyeapɨ vae ɨvɨtɨ Sinaí pe, mbota ipiche katu yandeYa peguarä vae.

7Jare vino oyepɨyere vae metei litro vecha kuimbae taɨrusu vae ñavo ndive; toyepɨyere jókuae vino oyemboayasɨgüe o mbaemboetea pe yandeYa jóvai.

8Jare jókuae vecha kuimbae taɨrusu vae mokoía toñemee kaaru yave; jókuae ndeimbove yave oñemee rami etei toyeapo vi, jare vino oyepɨyere vae toyepɨyere vi jese. Mbota oyeapɨ ipiche katu yandeYa pe vae ko.

Mbota ara mbutuu pegua pe oñemee vae

9Ërei ara mbutuu pegua pe toñemee mókoi vecha kuimbae taɨrusu vae, metei año vae, jete kavi vae, jare irundɨ kilo trigokúi ipɨuasɨ kavi vae olivo iasaite pe oyemómbɨu vae mbotarä, vino oyepɨyere vae ndive.

10Kuae ko jae ara mbutuu pegua ñavo pe mɨmba oyeyukagüe opaetei oyeapɨ vae; oñemee reve mɨmba oyeyukagüe opaetei oyeapɨ ara ñavo vae, vino oyepɨyere vae ndive.Mbota yasɨ ñavo oñemee vae regua

11Yasɨ oyemboɨpɨ ñavo pemee yandeYa pe mɨmba oyeyukagüe opaetei oyeapɨ vae, mókoi toro taɨrusu vae, metei vecha kuimbae, jare chiu vecha kuimbae taɨrusu vae, metei año, jete kavi vae.

12Jare toro taɨrusu vae ñavo ndive toñemee mbotarä ova kilo trigokúi ipɨuasɨ kavi vae, olivo iasaite pe oyemómbɨu vae; jare vecha kuimbae ñavo ndive toñemee mbotarä irundɨ kilo trigokúi ipɨuasɨ kavi vae, olivo iasaite pe oyemómbɨu vae.

13Jare vecha kuimbae taɨrusu vae ñavo ndive toñemee mbotarä mókoi kilo trigokúi ipɨuasɨ kavi vae, olivo iasaite pe oyemómbɨu vae. Mɨmba oyeyukagüe opaetei oyeapɨ vae ipiche katu vae ko, yandeYa peguarä oyeapɨ vae ko.

14Jare vino oyepɨyere vae mókoi litro toro taɨrusu vae ñavo ndive, jare metei litro y medio vecha kuimbae ñavo ndive, jare metei litro vecha kuimbae taɨrusu vae ñavo ndive. Kuae ko jae mɨmba oyeyukagüe opaetei oyeapɨ yasɨ ñavo vae oñemee vaerä, año oupitɨ regua.

15Toñemee vi yandeYa pe metei kavara kuimbae Tumpa iñɨ̈ro vaerä mbaeyoa re; oñemee reve mɨmba oyeyukagüe opaetei oyeapɨ ara ñavo vae, vino oyepɨyere vae ndive.

Mbota reta oñemee Pascua pe vae(Lv 23.5-8)

16Ërei tenondegua yasɨ pe, ara catorce pe, toyeapo yandeYa iPascua.Ex 12.1-13; Dt 16.9-12.

17Jare ara quince pe jókuae yasɨ, arete ikavi yae vae; chiu ara toyeu mbɨyape oyembevumbae.Ex 12.14-20; 23.15; 34.18; Dt 16.3-8.

18Tenondegua ara pe toyeapo yemboatɨ guasu Tumpa peguarä; agüɨye peyapo mbae nunga mbaravɨkɨ ave.

19Jare pemee mɨmba oyeyukagüe opaetei oyeapɨ vae yandeYa pe, mókoi toro taɨrusu vae, metei vecha kuimbae, jare chiu vecha kuimbae taɨrusu vae metei año vae, jete kavi vae.

20Jare jókuae mbota reta ndive pemee vi mbota trigokúi ipɨuasɨ kavi vae olivo iasaite pe oyemómbɨu vae: ova kilo trigokúi toro taɨrusu vae ñavo ndive, irundɨ kilo vecha kuimbae ñavo ndive,

21jare mókoi kilo vecha kuimbae taɨrusu vae ñavo ndive.

22Pemee vi metei kavara kuimbae Tumpa iñɨ̈ro vaerä mbaeyoa re, peñeñono kavi vaerä.

23Kuae pemee vi jókuae mɨmba oyeyukagüe opaetei oyeapɨ vae ndeimbove ñavo oñemee reve.

24Körai pemee jókuae chiu ara oikota arete vae pe, tembíu jare mbota oyeapɨ vae jare ipiche katu yandeYa peguarä vae. Kuae toñemee vino oyepɨyere vae ndive, mɨmba oyeyukagüe opaetei oyeapɨ ara ñavo pegua oñemee reve.

25Jare ara chiúa pe penoi yemboatɨ guasu Tumpa peguarä; jókuae ara agüɨye peyapo mbae nunga mbaravɨkɨ ave.

Mbota mbaagüɨyerɨpɨ reta(Lv 23.9-22)

26Jare vi mbaagüɨyerɨpɨ reta güi oñemee mbota pɨau Tumpa pe yave, jae ko arete semana;Ex 23.16; 34.22; Dt 16.9-12. penoita yemboatɨ guasu Tumpa peguarä, agüɨye peyapo mbae nunga mbaravɨkɨ ave.

27Pemee mɨmba oyeyukagüe opaetei oyeapɨ vae, yandeYa pe ipiche katu vae; mókoi toro taɨrusu vae, metei vecha kuimbae, chiu vecha kuimbae taɨrusu vae, metei año vae.

28Jare mbota oñemee jae ndive vae, trigokúi ipɨuasɨ kavi vae güi, olivo iasaite pe oyemómbɨu vae, ova kilo toro taɨrusu vae ñavo ndive, jare irundɨ kilo vecha kuimbae ñavo ndive,

29jare mókoi kilo vecha kuimbae taɨrusu vae ñavo ndive.

30Toñemee vi metei kavara kuimbae Tumpa iñɨ̈ro vaerä peyoa re.

31Kuae reta pemee vi oñemee reve mɨmba oyeyukagüe opaetei oyeapɨ ara ñavo vae mbota reta ndive jare vino oyepɨyere vae. Pemee mɨmba reta jete kavi vae.