1YandeYa jei Jeremías pe opaete Judáɨgua yogüɨreko Egipto pe vae reta peguarä: Tëta guasu reta Migdol, Tafnes, Menfis jare ɨvɨ Patros pegua reta regua körai:
2“Che peYa Imbaepuere yae ete vae Israel iTumpa, jae: ‘Pe reta peecha opaete susere reta ambou Jerusalén re vae jare Judá pegua tëta guasu reta re vae. Añave jókuae tëta guasu reta opa oyemboai oï, ipoä etei ñogüɨnoi,
3ikavimbae oyapo vae jeko pegua, echa chemboarasɨuka reta omboete tumpa ambuae reta vae rupi,Ex 20.3. oapɨ reta chupe ikäti kavi vae incienso; tumpa-raanga reta jae reta mbaetɨ oikuaa vae, pe reta ave mbaetɨ peikuaa vae ani peñemuñagüe reta ave mbaetɨ oikuaa vae.
4Ambou avei voi tëi cherembiokuai ñeemombeúa reta omombeu vaerä peve, agüɨye vaerä peyapo ikavimbae yae vae, che aröɨro vae.
5Ërei pe reta mbaetɨ peendu jare mbaetɨ peyapo jaegüe. Peeya vaerägüe pereko kavimbae, jeieteño peapɨ ikäti kavi vae incienso tumpa ambuae reta pe.
6Jáeramo, chearasɨ oyepota metei tata rami tëta guasu reta Judá pegua re jare Jerusalén pegua kaye reta re. Jare opa oyemboai opɨta añave regua.
7Añave che, peYa Imbaepuere yae ete vae Israel iTumpa, jae: ¿Maera pa peru peyé aeño jókuae ikavimbae yae vae? ¿Maera pa peyukauka opaete Judá pegua kuimbae reta, kuña reta, michia reta, jare oa ramo raɨ vae ave, mbaetɨ etei kia jembɨre regua?
8¿Maera pa chemboarasɨuka perembiapo reta rupi? Peapɨ ikäti kavi vae incienso tumpa ambuae reta kuae Egipto pegua pe, peyu peiko pɨpe vae. Jókuae rupi peru peyeupe aeño kañɨtei, peiko vaerä yepopeyu rupi jare yeyóyai yoyairä, opaete tëtaguasu reta ɨvɨ pe ñogüɨnoi vae reta peguarä.
9¿Peäkañɨ ma pa opaete ikavimbae oyapo peñemuñagüe reta vae güi, jare ikavimbae oyapo mburuvicha guasu reta Judá pegua vae jare jembireko reta, jare pe reta etei jare perembireko reta vi oyapo ikavimbae yae vae ɨvɨ Judá pe jare kaye Jerusalén pegua rupi vae güi?
10Jare mbaetɨño pereko reta peipoepɨ añave regua, mbaetɨ vi peipoɨu, mbaetɨ vi peyapo mborookuai reta amee peve jare peñemuñagüe reta pe amee vae.’
11Jáeramo che, peYa Imbaepuere yae ete vae Israel iTumpa, jae peve: ‘Aruta ikavimbae peré, jökorai amokañɨ vaerä Judá.
12Judá pe jembɨregüe yogüɨraja ɨvɨ Egipto pe yogüɨreko vaerä vae opata amokañɨtei. Opaete vae, paravete vae güive oikokatu vae pe omanota ñeraro rupi, ani karuai rupi jare peikota kia reta iñee kaviä vaerä pekotɨ, okɨɨye vaerä jare omae kaviä vaerä peré, peikota yepopeyurä jare yeyóyai yóyai rupi.
13Jökorai aiporaraukata Egipto pe yogüɨreko vae pe, Jerusalén pegua reta pe aiporarauka rami, ñeraro rupi, karuai jare mbaerasɨ ovakatu vae rupi.
14Metei ave ngaraa oasayepe jekove ndive Judá pe jembɨregüe, yogüɨraja Egipto pe yogüɨreko vae reta güi. Ikɨ̈reɨ ye tëi oyerova Judá pe oiko vaerä vae ngaraa ipuere, jaeño amogüe otekuaraigüe.’ ”
15Jayave, opaete oikuaa ko jembireko oapɨ ikäti kavi vae incienso tumpa ambuae reta pe vae reta, jare opaete kuña reta ñogüɨnoi joko pe vae, jare Judáɨgua yogüɨreko Patros pe ɨvɨ Egipto pe vae reta, jei reta ñee Jeremías pe:
16—Ngaraa royapo jókuae ñee reru oreve yandeYa güi vae.
17Royapoñota roñererökuavee ma royapo vaerä vae. Roapɨta ikäti kavi vae incienso jare mbota vino oyepɨyere vae oretumpa ara pegua Mburuvicha kuña jee vae pe,Jer 7.18. añave rupi royapo roiko rami, jare tenonde rupi oreñemuñagüe reta, oreruvicha guasu reta jare tëta ruvicha reta Judá pegua jare kaye Jerusalén pegua rupi oyeapose rami. Jayave rogüɨnoise jeta tembíu, ikavi roiko jare mbaetɨ etei ou mbae nunga susere oreve;
18ërei romboɨpɨ roeya jókuae roapɨ ikäti kavi vae incienso oretumpa ara pegua Mburuvicha kuña jee vae pe güire, omboɨpɨ oata opaete mbaembae oreve, jare oreïru reta omano ñeraro jare karuai rupi.
19Kuña reta jei vi:
—Ore reta royapo mbɨyape oretumpa ara pegua Mburuvicha kuña jee vae pe, jare roapɨ ikäti kavi vae incienso jare mbota vino oyepɨyere vae, ërei opaete kuae royapo oreme reta oikuaa katu reve. Jekuae ñotai ko royapo.
20Jayave Jeremías jei opaete kuimbae reta jare kuña reta, omboyevɨ ñee chupe vae reta pe körai:
21—¿Perovia pa yandeYa mbaetɨ oikuaa kuae, ani iñakañɨ, pe reta jare peñemuñagüe reta, peruvicha guasu reta, tëta ruvicha reta jare opaete vae peapɨ ikäti kavi vae incienso tumpa-raanga reta pe tëta guasu reta Judá pegua pe jare kaye Jerusalén pegua rupi vae güi?
22Ërei yandeYa mbaetɨ ma güɨropɨa pereko kavimbae jare mbaetɨ ipöra chupe peyapogüe. Jáeramo perëtaguasu añave oyemboai oï jare ipoä oï, jare oiko okɨɨye vaerä jare omae kaviä vaerä jese vae jare yepopeyu rupi.
23Kuae susere ou peré añave vae ko pe reta peapɨ ikäti kavi vae incienso tumpa-raanga reta pe jeko pegua, peyoa ko jökorai yandeYa kotɨ, echa mbaetɨ peendu iñee reta jare mbaetɨ peyapo mborookuai reta peokuai tëi peyapo vaerä vae.
24Jeremías jei ye opaete vae pe, jare opaete kuña reta pe:
—Peyeapɨsaka yandeYa iñee re, opaete pe reta Judáɨgua ɨvɨ Egipto pe peiko vae.
25YandeYa Imbaepuere yae ete vae Israel iTumpa jei körai: “Pe reta jare perembireko reta, pere vae peyapo. Pe reta peñererökuavee peapɨ vaerä ikäti kavi vae incienso jare mbota vino oyepɨyere vae tumpa ara pegua Mburuvicha kuña jee vae pe; peñererökuavee peyapo vaerä vae pembopo.
26Jáeramo peyeapɨsaka pe Judáɨgua reta ɨvɨ Egipto pe peiko vae, che, peYa jae peve vae re: Cheyé aeño arökuavee, ngaraa ye ma Judáɨgua reta oenɨi cheree opaete ɨvɨ Egipto pe, jei reve: ‘YandeYa jee re.’
27Echa che amaeta aï jese reta, ambou vaerä susere reta yavaete yae vae, mbaetɨta ikavi vae. Opaete Judáɨgua reta yogüɨreko ɨvɨ Egipto pe vae omanota ñeraro ani karuai rupi, opaetei omano regua.
28Jare mbovɨ oasayepe mano güi Egipto pe vae oyerova yeta ɨvɨ Judá pe. Jökorai, opaete Judáɨgua reta jembɨregüe, yogüɨraja ɨvɨ Egipto pe yogüɨreko vae reta, oechata kia iñee ra oyembopo vae, cheñee ra ani jae reta iñee ra.
29Che, peYa amee peve kuae kañɨmaa, peikuaa vaerä oyembopota ko jae vae, jare aiporaraukata peve kuae ɨvɨ pe vae:
30Che ameeta Faraón Hofra mburuvicha guasu Egipto pegua jovaicho reta oeka oyuka vaerä vae ipo pe, Sedequías mburuvicha guasu Judá pegua amee Nabucodonosor, mburuvicha guasu Babilonia pegua2 R 25.1-7. oeka oyuka vaerä vae ipo pe rami.”
Who We AreWhat We EelieveWhat We Do
2025 by iamachristian.org,Inc All rights reserved.
