NÚMEROS 18 - Guarani Bible with DC

Sacerdote reta jare Leví iñemuña reta iparavɨkɨ

1YandeYa jei Aarón pe:

“Nde jare nderaɨ reta jare opaete nderu Leví iñemuña reta peyemboekota, kuae o mbaemboetea pe oyeavɨ vae re; ërei nde jare nderaɨ reta oyavɨ mbaravɨkɨ sacerdote pegua yave, pe retaño peyemboekota.

2Jare nerëtara reta, nderu Leví iñemuña pegua reta, eroya ndeyé, jare tandemborɨ reta; toyeokuai reta nde ndive, nderaɨ reta ndive tupao guakapi pegua pe.

3Jare toyapo reta nde reyókuai vae, jare opaete mbaravɨkɨ tupao guakapi pegua ërei agüɨye toya reta tembiporu oñeñono tee vae re, ani mɨmba oyeyuka oyeapɨ jese vae re, agüɨye vaerä omano, jae reta jare pe reta.

4Tandemborɨ reta mbaravɨkɨ tupao guakapi pegua pe, opaete yeokuai joko pegua pe; agüɨye metei ave ambuae vae toya peré;

5pe reta peyapo mbaravɨkɨ o mbaemboetea pegua jare mɨmba oyeyuka oyeapɨ jese vae pegua, agüɨye vaerä mo ou arasɨ Israel iñemuña reta re.

6Echa, che ko aiparavo perëtara Leví iñemuña reta, Israel iñemuña reta ipɨte güi amee vaerä peve, oyeokuai reta vaerä tupao guakapi pegua pe;

7ërei nde jare nderaɨ retaño pepuere peyapo sacerdote iparavɨkɨ mɨmba oyeyuka oyeapɨ jese vae pe ani tupao japɨpe pe. Echa che ko amee peve kuae mbaravɨkɨ sacerdote pegua; jare oipotagüe oyapo yave, tomano.”

Sacerdote reta jare Leví iñemuña reta yogüɨreko jese vaerä

8YandeYa jei ye Aarón pe:

“Amee vi reyangareko vaerä cheve mbota reta oñemee cheve vae re. Opaete mbaembae Israel iñemuña reta oñono tee cheveguarä vae, amee ndeve roparavo jeko pegua, jare nderaɨ reta pe jekuae avei pegua.

9Mbota reta oyeapɨ vae güi, kuae jae ndembaerä; mbota temitɨ jäɨgüe, mɨmba oyeyuka Tumpa iñɨ̈ro vaerä mbaeyoa re vae güi ani teko re vae güi, omee reta cheve yave; opaete kuae mbota reta toiko ndembaerä jare nderaɨ reta peguarä.

10Tupao guakapi pegua pe peuta, echa oñeñono teegüe ko; pegüi opaete vae kuimbae reta tou.

11Amee vi ndeve, nderaɨ reta jare nderayɨ reta yogüɨreko nde ndive vae pe, opaete mbota Israel iñemuña reta omee cheve vae güi, jekuae avei pegua; opaete ndero pegua oyetɨo Tumpa jóvai vae ipuere jou jókuae güi.

12Jare opaete olivo iasaite ikavigüe, uva ikavigüe jare trigo ikavigüe, Israel iñemuña reta omee cheve mbaagüɨyerɨpɨ güi vae, opa amee ndeve.

13Mbaagüɨyerɨpɨ güi jae reta güeru cheve vae, ndembaerä ko; opaete ndero pe oyetɨo Tumpa jóvai vae ipuere jou jókuae güi.

14Opaete mbota Israel iñemuña reta oñeñono tee

17Ërei guaka imembɨrɨpɨ toro raɨ, jare vecha imembɨrɨpɨ kuimbae, jare kavara imembɨrɨpɨ kuimbae, mbaetɨta oyemboepɨ; oñeñono tee vae reta ko; jókuae reta jugüɨgüe eñapiramo mɨmba oyeyuka oyeapɨ jese vae re, jare ikɨragüe eapɨ, mbota ipiche katu vae yandeYa pe.

18Jare isoogüe ndembaerä ko; oñererökuavee oñemee vae ipɨtiagüe jare iugüe iyakatu kotɨgua, ndembaerä vi ko.

19Opaete Israel iñemuña reta mbota güɨrökuavee omee cheve mbae oñeñono tee vae güi vae amee ko ndeve, nderaɨ reta jare nderayɨ reta yogüɨreko ndépɨri vae pe, jekuae avei pegua; yukɨ morogüɨrökuavee päve jekuae avei pegua ko yandeYa oyapo, nde ndive jare neñemuña reta ndive.”

20Jare yandeYa jei Aarón pe:

“Nde mbaetɨta ndeɨvɨ nerëtara Israel iñemuña reta rami, jare jae reta ipɨte pe ave mbaetɨta ndembae ɨvɨ. Che ko jae ndembaeyekou Israel iñemuña reta ipɨte pe.

21Mase, che amee Leví iñemuña reta imbaerä opaete payandepo güi metei vaeLv 27.30-33; Dt 14.22-29; Mal 3.8-10. Israel iñemuña reta omee vae, echa jae reta oyeokuai kuae tupao guakapi pegua pe.

22Jare agüɨye ye mo toya Israel iñemuña reta tupao guakapi pegua re, agüɨye vaerä iyoa reta jare omano.

23Leví iñemuña reta toyapo mbaravɨkɨ tupao guakapi pegua pe, jae reta toiporara jeko ae re; mborookuai jekuae avei pegua ko peñemuña reta peguarä; mbaetɨta Leví iñemuña reta güɨnoi imbaerä ɨvɨ, Israel iñemuña reta ipɨte pe.

24Echa Leví iñemuña reta imbaerä amee opaete payandepo güi metei Israel iñemuña reta omee vae; jáeramo, jae chupe reta mbaetɨ vaerä güɨnoi reta imbaerä ɨvɨ Israel iñemuña reta ipɨte pe.”

25YandeYa jei Moisés pe:

26“Ere Leví iñemuña reta pe, omee reta vaerä cheve payandepo güi metei, jókuae Israel iñemuña reta omee cheve vae amee chupe reta imbaerä vae güi; payandepo güi metei oñemeegüe reta güi toyeekɨ yoapɨ ye vi payandepo güi metei.

27Jare jókuae mbota oyepapata chupe reta, Israel iñemuña reta omee mbota trigo güi ani uva tɨgüegüe güi rami.

28Jökorai, jae reta tomee vi opaete jókuae Israel iñemuña reta omee payandepo güi metei vae güi; jókuae mbota reta güi tomee reta mbota cheve, sacerdote Aarón pe tomee reta.

29Opaete oñemee chupe reta vae güi, tomee reta mbota cheve; ikavigüe tomee reta cheve.

30Jare ere vi chupe reta: ‘Omee reta yave ikavigüe cheve, jókuae mbota toyepapa chupe reta mbota trigo güi ani uva tɨgüegüe güi omee rami,

31jare ipuere jou reta jare jo pegua reta ndive oipota rupi; echa jae ko tupao guakapi pegua pe oparavɨkɨ vae jepɨ.

32Jökorai, omee yave ikavigüe cheveguarä, mbaetɨta iyoa jou yave; jare mbaetɨta omongɨa Israel iñemuña reta mbae oñono tee vae, jare ngaraa omano.’ ”