1YandeYa Tumpa pereroike yave ɨvɨ peiketa peñemoëta pɨpe vae pe, jare opa ma yave omoë omombo perenonde güi chiu tëtaguasu reta
17Ërei pere yave pepɨa pe: ‘Kuae tëtaguasu reta jeta yae ete ko yandegüi; ¿këraita pa yandepuere opa yamboai?’
18¡Agüɨye pekɨɨye chugüi reta! Pemaendúa kavi kërai yandeYa Tumpa oyapo Faraón jare opaete Egiptoɨgua reta pe vae.
19Yemboaporova tuichagüe peecha vae, jare mɨakañɨ yavaetegüe, jare mbaepuere tuichagüe rupi yandeYa Tumpa oyapo perenoe vaerä vae re. Jökoraita yandeYa Tumpa oyapo opaete pekɨɨye chugüi vae.
20YandeYa Tumpa ombouta vi kɨɨye yavaetegüe jese reta, kävee güi okɨɨye vae rami, opa regua omano opɨtagüe jare oñemi pegüigüe reta.
21Agüɨye peyembopɨtu jae reta jóvai, echa yandeYa Tumpa oï pepɨte pe, jae ko Tumpa tuichagüe jare kɨɨyea.
22Jare yandeYa Tumpa mbegüe mbegüe pe omoëta omombo pepɨte güi kuae tëtaguasu reta, ngaraa opa voi pemokañɨ pepɨte güi, echa mɨmba pochɨ vae kaa rupigua oñemuñata jare oporepeñata peré.
23Ërei yandeYa Tumpa omeeta pepo pe kuae tëta guasu reta jare jae imbaepuere pe omokañɨteita, opa okañɨtei regua.Ex 7.8—12.30; 14.23-31; 23.27-30.
24Omeeta pepo pe mburuvicha guasu reta, jare pe reta pemboaita jee reta kuae ɨvɨ güi, ngaraa etei kia ipɨ̈rata peróvai opa regua pemboai.
25Omopöra kavi oyapo itumpa-raanga retarä vae peapɨ tata pe, agüɨye peipotarai korepoti ani oro peyeupeguarä, agüɨye vaerä peyemboavai jese, echa pɨ̈chɨi yae ko yandeYa Tumpa pe.
26Agüɨye peru mbae pɨ̈chɨi vae pero pe, agüɨye vaerä yepopeyu oï jese vae peru, opaetei mbae peroɨ̈ro jare pɨ̈chɨi pemae jese, echa yepopeyu pe ko oï.
Who We AreWhat We EelieveWhat We Do
2025 by iamachristian.org,Inc All rights reserved.
