MIQUEAS 4 - Guarani Bible with DC

YandeYa iporookuaía opaete ɨvɨ re(Is 2.1-4)

1Ara taɨkuegua rupi ɨvɨtɨ, yandeYa jo oï jese vae,

oïta kuri opaete ɨvɨtɨ reta itenondeguarä,

ɨvate yaeta opaete vae ɨvɨtɨ reta güi,

jare opaete vae tëta yogüeruta ikotɨ.

2Jeta vae tëtaguasu reta yogüeruta, jare jei retata:

“Peyu yayeupi yandeYa iɨvɨtɨ re,

Jacob iñemuña reta iTumpa jo kotɨ;

jae yandemboe vaerä jemimbota re,

yaguata vaerä jae jemimbota rupi.”

Echa Sión jae ko Jerusalén,

joko güi oëta mborookuai jare yandeYa iñee.

3Jare oporojäata jeta vae tëta reta re,

jare ombosɨmbita tëtaguasu reta imbaepuere yae vae jeko,

mombɨrɨ ñogüɨnoi vae reta ave;

jare opata oyapaso martillo pe ikɨsepuku reta,

oyapo vaerä äsarourä jare imii reta oyapota tembiporu hozrä;

tëtaguasu reta mbaetɨta ma oupi oyokotɨ kɨsepuku,

jare ngaraa ye ma oime yemboe ñeraro peguarä.

4Metei ñavo vae oguapɨta jemitɨ uva jare ɨva

8Nde Jerusalén, jae ko Sión pegua reta imaeka jare ikësea;

renoi yeta mbaepuere tenonde yave rami,

ndegüi mburuvicha guasu reta oporookuai yeta.”

9Añave ¿maera pa neräse mbatee kuña imembɨrasɨ vae rami?

¿Mbaetɨ pa nderuvicha guasu?

¿Ndemboarakuaa vae reta opa pa omano?

10Sión pegua reta, mbae tijasɨ peve jare peräse

kuña imembɨrasɨ vae rami;

echa añave opata peë jare peikota kaa rupi,

peväe regua Babilonia pe,

joko pe peyeyorauka yeta;

joko pe yandeYa pepɨ̈rota perovaicho reta güi.

11Ërei añave jeta yae tëtaguasu reta,

oyemboyovaicho pekotɨ,

jare jei reta: “¡Yayerovia katu reve ñamae jare yayapo ikavimbae

Jerusalén imboetea yae yepi vae pe!”

12Ërei jókuae tëtaguasu reta mbaetɨ oikuaa,

yandeYa iyemongeta, iporomboarakuaa ave mbaetɨ oikuaa reta;

kuae jeko pegua omboatɨta trigo oyembopiriría pe oï rami.

13¡Tëta guasu Sión, epüa jare embaembopiriri!,

echa Tumpa jei: “Roapota toro ipɨ̈rata yae vae rami,

toro jäti jiero rami jare ipɨ̈sa jiero iyu vae rami;

remoamɨri vaerä jetagüe tëta guasu reta,

jare reñono teeta cheve, jae reta opɨ̈rogüe,

imbaeyekou reta reñono teeta opaete ɨvɨ iYa pe.”