EFESIOS 1 - Guarani Bible with DC

Tamaraeme

1Che Pablo, Jesucristo jemimondo Tumpa jemimbota rupi vae, aikuatía opaete peporogüɨrovia vae Cristo Jesús re EfesoHch 18.19-21; 19.1. pe peiko vae pe.

2YandeRu Tumpa jare yandeYa Jesucristo ipɨakavi jare ipɨakatu toï pe ndive.

Tumpa jeta iporerekua yanderé Cristo rupi

3Toyemboete Tumpa, yandeYa Jesucristo Tu. Jae iporerekua yanderé opaete mborerekua ara pegua pe, Cristo re,

4jae yandeparavo jese ndei ɨvɨ oyeapo mbove, ñañeñono tee yaiko vaerä ikɨambae jae jóvai;

5iporoaɨu rupi iyɨpɨ güive voi yandeparavo yandeapo vaerä taɨ retarä Jesucristo rupi, jae ipɨa jemimbota rupi,

6ipɨakavi yae oyemboete vaerä, jókuae rupi yandeapo taɨrä, Taɨ oaɨu vae rupi;

7jugüɨ rupi yandereepɨ ma,Mc 10.45; 14.24; Heb 9.12-14. Tumpa iñɨ̈ro vaerä yandeve yandeyoa reta re,Col 1.14. ipɨakavi yae rupi,

8omee jeta yae yandeve ipɨakavi, iyarakuaa katu yae rupi;

9jare oikuaauka yandeve jemimbota yaikuaa rapembae vae, jae ipɨakavi rupi. Jae etei oyemongeta oyapo vaerä vae.

10Jae ko, omboatɨ vaerä opaete mbaembae oyeapogüe Cristo ipo pe, opaete mbaembae ara pe oï vae, jare opaete ɨvɨ pe oï vae. Kuae ko oyeapota ara oväe yave.

11Iyɨpɨ güive voi yandeparavo ñanoi vaerä jae omeeta yandembaerä vae, jae oyapo opaete mbaembae ipɨa jemimbota rupi vae.

12Oyemboeteuka vaerä ore rupi, ore räri Cristo re rogüɨrovia vae reta rupi.

13Jare pe reta vi perovia Cristo re, peendu yave ñee añete vae, ñee ikavi vae yemboasa pegua yave, Tumpa pemokañɨmaa Espíritu Santo jae güɨrökuavee vae pe.Lc 24.49; Jn 14.26; 16.13-15; Hch 1.4; 2.33.

14Jae ko oikuaauka Tumpa omeeta yandeve vae iyarä ko yande vae, yandereraja ete regua,2 Co 1.22. oyemboeteuka vaerä.

Pablo oyerure oporogüɨrovia vae reta pe oñemee vaerä arakuaa

15Jáeramo che aikuaa perovia yandeYa Jesús re yave, jare kërai peaɨu opaete oporogüɨrovia vae reta,

16mbaetɨ chekuérai amee yasoropai peré Tumpa pe, jekuaeñoi chemaendúa peré, cheyerure rupi,

17yandeYa Jesucristo iTumpa, Tu imboetea yae vae, tomee peve arakuaa katu jare toikuaauka peve mbaembae, peikuaa kavi vaerä Tumpa regua.

18Tumpa toesape pearakuaa, peikuaa kavi vaerä mbaerä ra pereenɨi vae jare kërai penoi vi ko mborerekua tuichagüe oporogüɨrovia vae reta ndive vae,

19jare kërai tuichagüe yae ko imbaepuere yandekotɨ vae, kërai jókuae imbaepuere oparavɨkɨ yanderé vae.

20Jókuae imbaepuere ko omoingove ye Cristo omanogüe reta ipɨte güi, jare omboguapɨ iyakatu kotɨ ara pe,Sal 110.1.

21güɨnoi vaerä mbaepuere opaete mburuvicha reta ara pegua, ɨvɨ pegua jare oipotagüe mbaepuere güɨnoi vae re, jare opaete tuichagüe yae vae reta, añave pegua reta jare oikota vae reta re;

22jare oñono Cristo ipo igüɨ pe opaete mbaembae.Sal 8.6. Omee vi chupe oiko vaerä oporogüɨrovia vae reta iñäkarä,

23echa oporogüɨrovia vae reta ko Cristo jete.Col 1.18. Jae omotɨnɨe oporogüɨrovia vae reta, jare jae omotɨnɨe opaete mbaembae.