ÉXODO 40 - Guarani Bible with DC

Moisés omopüa tupao guakapi pegua

1YandeYa jei Moisés pe:

2“Metei ara tenondegua yasɨ oyemboɨpɨ yave, emopüauka tupao guakapi pegua;

3jare eñono pɨpe käjou yemomaendúa pegua, jare omoia vaerä emoata asoya o imboyaoa.

4Jare eñono vi tupao guakapi pegua pe mesa, mechero renda jare mechero reta,

5ikäti kavi vae incienso oyeapɨ jese vaerä vae oro pegua, käjou yemomaendúa pegua re katu, jare eñono asoya tupao guakapi pegua jöke re.

6Jaɨkue rupi eñono mɨmba oyeyukagüe opaetei oyeapɨ jese vae, tupao guakapi pegua jöke re katu.

7Javoi eñono ɨ jɨru tupao guakapi pegua jare mɨmba oyeyuka oyeapɨ jese vae ipäu pe, jare eñono ɨ pɨpe.

8Taɨkue ete eikëse oka, jare eñono asoya oka jöke re.

9Javoi eipɨɨ asaite yeparavo pegua, jare epɨyere tupao guakapi pegua re jare opaete mbaembae pɨpegua re; jökorai eñono tee opaete jembiporu reta ndive, jare toiko oñeñono tee vae.

10Epɨyere vi asaite yeparavo pegua mɨmba oyeyukagüe opaetei oyeapɨ jese vae re jare opaete jembiporu reta re; jökorai eñono tee mɨmba oyeyuka oyeapɨ jese vae, jare toiko oñeñono tee kavi yae vae.

11Epɨyere vi jókuae asaite ɨrɨru re jare iguapɨka re, jökorai eñono tee.

12Javoi eraja Aarón jare taɨ reta tupao guakapi pegua jöke pe, jare toyau reta joko pe.

13Jare Aarón pe emondeuka temimonde ikavi yae ete vae, javoi epɨyere jese asaite, reñono tee vaerä, oiko vaerä chesacerdoterä.

14Jaɨkue, eenɨi taɨ reta jare emondeuka chupe reta temimonde;

15epɨyere jese reta asaite, tu re repɨyere rami, jare toyogüɨreko chesacerdoterä. Jókuae asaite oyepɨyere jese reta vae rupi toyogüɨreko chesacerdoterä jekuae avei rupi.”

16Moisés oyapo opaete yandeYa oyókuai rami kavi.

17Jökorai, mókoi año pe, tenondegua yasɨ pe, tenondegua ara pe oñemopüa tupao guakapi pegua.

18Moisés omopüauka tupao guakapi pegua; oñono iguapɨka reta, ɨvɨra oñeopagüe reta, ɨvɨra oyepɨasa vae reta jare okɨta reta;

19omoata iárambo asoya jare iarambogua asoya oñono ye jese, yandeYa oyókuai Moisés vae rami.

20Moisés oipɨɨ ita ipe vae mborookuai reta oyekuatía oï jese vae, jare oñono käjou japɨpe jare ɨvɨra oyepɨasa vae reta oñono käjou re, jare ñɨ̈ro renda käjou itapa re.

21Javoi käjou güɨroike tupao guakapi pegua japɨpe, jare omoata asoya o imboyaoa jare omoia käjou yemomaendúa pegua, yandeYa oyókuai Moisés vae rami.

22Mesa oñono tupao guakapi pegua japɨpe, ɨvɨtuguasu kotɨ, asoya o imboyaoa güi ikatu kotɨ,

23kuae mesa pe oñono kavi mbɨyape reta yandeYa jóvai, yandeYa oyókuai Moisés vae rami.

24Oñono mechero renda tupao guakapi pegua japɨpe, mesa jóvai, asoya o imboyaoa güi arayevɨ kotɨ,

25jare omoendɨ mechero reta yandeYa jóvai, yandeYa oyókuai Moisés vae rami.

26Oñono vi ikäti kavi vae incienso oyeapɨ jese vae oro pegua tupao guakapi pegua japɨpe, asoya o imboyaoa jóvai,

27jare oapɨ jese incienso ikäti kavi yae vae, yandeYa oyókuai Moisés vae rami.

28Oñono vi asoya tupao guakapi pegua jöke re;

29jare oñono mɨmba oyeyukagüe opaetei oyeapɨ jese vae, tupao guakapi pegua jöke re katu, jare omee jese mɨmba oyeyukagüe opaetei oyeapɨ vae jare mbota temitɨ iagüe, yandeYa oyókuai Moisés vae rami.

30Jare ɨ jɨru oñono tupao guakapi pegua jare mɨmba oyeyuka oyeapɨ jese vae ipäu pe, jare oñono pɨpe ɨ yepoekarä.

31Joko güi Moisés, Aarón jare taɨ reta oyoe ipo jare ipɨ.

32Tupao guakapi pegua pe oike reta yave, jare mɨmba oyeyuka oyeapɨ jese vae re oya reta yave, oyoe ipo jare ipɨ, yandeYa oyókuai Moisés vae rami.

33Taɨkue ete omopüa oka ikësea güɨroyere tupao guakapi pegua re jare mɨmba oyeyuka oyeapɨ jese vae, jare asoya oñono oka jöke re. Körai Moisés opa oyapo mbaravɨkɨ.

Amapɨtu tupao guakapi pegua iárambo(Nm 9.15-23)

34Jayave metei amapɨtu oñova tupao guakapi pegua, jare yandeYa