1Acab güɨnoi setenta taɨ reta Samaria pe, jayave Jehú oikuatía tupapire omondo joko pegua mburuvicha reta pe, tenondegua reta pe jare Acab iñemuña reta iyangarekoa reta pe, jei körai:
2“Kuae tupapire ojo oväe peve rupive, peruvicha taɨ reta re peyangareko peï vae, kavayu regua reta, käretou pegua ñeraro regua, tëta guasu oñekëse kavi vae reta, jare tembiporu ñeraro pegua reta re peyangareko vae,
3peiparavo peyeupe peruvicharä taɨ reta güi ipoki jare jupi vae, jare pemboguapɨ tu jekovia pe; peepɨ peruvicha.”
4Ërei kuae reta okɨɨye yae, jei reta: “Jókuae mókoi mburuvicha guasu viña pa mbaeä etei chupe, ¿vɨtei pa yande?”
5Jare omaangareko vae, mburuvicha tëta guasu pegua, tenondegua reta, jare michia reta iyangarekoa reta omondo jei Jehú pe: “Nderembiokuai ko ore, royapota opaete nde oreokuai vae; ërei mbaetɨta roiparavo mburuvicha guasurä metei ave, eyapo oreve nde reipota vae.”
6Jayave Jehú omondo ye mokoía ma tupapire jei körai: “Cherembiokuai ko pe yave, jare peipota ko peyapo cheporookuai reta yave, pɨareve peru cheve peruvicha taɨ reta iñäkagüe Jezreel pe.”
Jare jókuae setenta mburuvicha guasu taɨ reta vae, ñogüɨnoi tenondegua reta ndive, iyangarekoa reta ndive.
7Jayave kuae tupapire omboresive reta yave, oipɨɨ reta jókuae setenta vae mburuvicha guasu taɨ reta, jare oñaseokɨ̈ti reta; javoi iñäkagüe reta oñono reta kanata pe jare omondo reta tëta guasu Jezreel pe,
8jare ou metei ñee jerajaa imiari Jehú pe, jei körai:
—Güeru reta mburuvicha guasu taɨ reta iñäkagüe.
Jehú jei chupe reta:
—Toñono reta mókoi atɨ tëta guasu jöke pe pɨareve regua.
9Pɨareve pe Jehú oë omae jare oyemboɨ reveño jei opaete vae pe:
—Pe reta ko jupi, che ko añemopüa cheruvicha re jare ayukauka; ërei, ¿kia pa oyuka opaete kuae reta?
10Peikuaa kavi peï, mbaetɨ eteita yandeYa imiari Acab iñemuña reta kotɨ vae opɨta oyeapombae. YandeYa etei oyapo jembiokuai Elías rupi omombeu vae.
11Jökorai Jehú oyukauka opaete Acab iñemuña reta Jezreel pe opɨtagüe,
30YandeYa jei Jehú pe: “Reyapo jupi vae cheresa jóvai jeko pegua, reyapo Acab iñemuña reta pe opaete chepɨa rupi ayemongeta rami kavi, nderaɨ reta oguapɨta mburuvicha guasurä Israel pe irundɨ ñemuña reta regua.”
31Ërei ngatu Jehú mbaetɨ oñemokɨ̈reɨ oguata vaerä Israel iYa Tumpa iporookuai rupi opaete ipɨa ndive, mbaetɨ oyembosɨrɨ Jeroboam iyoa reta güi, Israel iñemuña reta pe oyapouka mbaeyoa vae güi.
32Jókuae ara rupi yandeYa omboɨpɨ omomichi ɨvɨ Israel. Hazael omoamɨri Israel iñemuña reta opaete ɨvɨ jembeɨ rupi:
33Jordán güive kuaraɨ oëa kotɨ, opaete ɨvɨ Galaad, Gad, Rubén jare Manasés iñemuña reta iɨvɨ, Aroer oï ɨ̈aka raɨ Arnón iyɨpɨ pe vae güive, Galaad jare Basán kotɨ oväe regua.
34Ïru mbaembae Jehú regua, opaete oyapogüe, opaete mbae tuichagüe oyapo vae oyekuatía oï tembikuatía pe, Israel pegua mburuvicha guasu reta regua oyekuatía oïa pe.
35Jehú omano yave oñotɨ reta iñemuñagüe reta oñeotɨa pe, Samaria pe; jare taɨ Joacaz oguapɨ jekovia pe mburuvicha guasurä.
36Jehú oiko mburuvicha guasurä ɨvɨ Israel pe, tëta guasu Samaria pe vae, jae ko veintiocho año.
Who We AreWhat We EelieveWhat We Do
2025 by iamachristian.org,Inc All rights reserved.
