1Ërei Espíritu Santo omombeu kavi yandeve kërai ara reta taɨkuegua pe amogüe vae oyerovata iporogüɨrovia güi, ojo vaerä espíritu oporombotavɨ vae reta ndive jare aña reta iporomboe rupi,
2jókuae reta oenduta jova mókoi vae jare iyapu vae reta iporomboe, jókuae mbaetɨ etei ipɨatɨtɨ vae reta.
3Oyopia retata omenda, jare oyopia retata tembíu Tumpa oyapo vae, jókuae oporogüɨrovia vae reta jare añete vae oikuaa vae reta ipuere vaerä jou omee reve yasoropai jese vae.
4Echa opaete mbaembae Tumpa oyapogüe ikavi ko. Mbaetɨ ikavi ñaröɨro vaerä, ikavi ko yau ñamee reve yasoropai Tumpa pe.
5Echa oñeñono tee ko yau vaerä Tumpa iñee rupi jare yerure rupi.
Jesucristo jembiokuai ikavigüe6Remboe yave yanderɨvɨ reta kuae re, Jesucristo jembiokuai ikavigüe ko nde, jekuae eñemomɨ̈rata ñee mborogüɨrovia pegua re jare mboromboe añete vae rupi reiko vae re.
7Agüɨye erovia arakae ndaye reta. Ërei eñemoäta ngatu reyapo vaerä Tumpa oipota vae;
8echa yanderete yamongúe vae michi peguaño ikavi yandeve, ërei Tumpa oipota vae, opaete pegua ikavi, echa ikavita yandeve añave yaikove yaiko ramboeve, jare ñamano ma yave.
9Kuae ko jae ñee añete vae jare jupi ko opaete vae güɨrovia vaerä.
10Echa kuaerä etei yaparavɨkɨ ñaï yaiporara reve, Tumpa oikove vae re yarovia ramo, opaete vae jese güɨrovia vae imboasaa.
11Kuae mbaembae re eporookuai jare eporomboe.
12Agüɨye kia tanereröɨro ndetaɨrusu ramo, ërei eechauka oporogüɨrovia vae reta pe neñee rupi, reiko vae rupi, mboroaɨu rupi, espíritu rupi, mborogüɨrovia rupi jare teko kavi rupi.
13Jekuaeño emongeta Tumpa Iñee, aja aväe ndeve regua, eporomboarakuaa jare eporomboe.
14Agüɨye enoiiño mbaepuere Tumpa omee ndeve vae. Jókuae oñemee ndeve vae omombeu nderegua yave, oporogüɨrovia vae reta itenondegua reta oñono ipo nderé yave vae.
15Eyemoambeko avei kuae mbaembae reta re, agüɨye eeya, oyekuaa vaerä opaete vae pe ikavi yae ko jókuae reyemboe vae.
16Eyangareko ndeyé jare ndeporomboe re; nepɨ̈rata jese, echa jökorai reyapo yave, reasayepeta ikavimbae güi, jare oyeapɨsaka nderé vae reta.
Who We AreWhat We EelieveWhat We Do
2025 by iamachristian.org,Inc All rights reserved.
