SALMOS 51 - Guarani Bible with DC

SALMO 51Yepoepɨ jare yerure yetɨo pegua

1CheRu Tumpa, nde ndeporoparareko jeko pegua cheparareko,

emboai chepɨapochɨ, ndepɨakavi jare ndeporoaɨu yae jeko pegua.

2Cheyoe yeyé ikavimbae güi,

chetɨo cheyoa güi.

3Echa che aikuaa chepɨapochɨ ko vae,

cheyoa güi mbaetɨ chepuere cheakañɨ.

4Ndekotɨ, ndekotɨño cheyoa,

ayapo ikavimbae nderesa róvai;

ikavimbae remae jese vae ayapo,

jáeramo, chejäa vae, pe,

8Emee cheve vɨakatu jare yerovia,

jare avɨakatu yeta chembopɨatɨtɨ vae güi.

9Eñomi nderova cheyoa reta güi,

jare emboai opaete ikavimbae oï cheré vae.

10CheRu Tumpa, eitɨo chepɨa jare embopɨau,

emee chepɨarä ikɨambae jare jupi vae,

jare chembopɨau sɨmbi rupi aiko vaerä.

11Agüɨye chemombo nderóvai güi,

jare agüɨye eekɨ chegüi ndeEspíritu ikɨambae.

12Emboyerova cheve vɨakatu ndeporogüɨroasayepe;

jare ndeespíritu ipɨakavi vae tachemborɨ.

13Jayave amboeta iyoa vae reta nderemimbota re,

jare iyoa vae reta oyepoepɨta ndekotɨ.

14Chereepɨ oporoyuka vae reta güi, cheRu Tumpa,

Tumpa chereepɨ vae;

atairarita ndembaejupi.

15CheYa, eipea cheyuru,

jare tatairari toromboete.

16Echa mbaetɨ reipota mɨmba oyeyukagüe,

amee ndeve mbota mɨmba oyeyukagüe opaetei oyeapɨ vae yave, mbaetɨ reipota.

17Ërei mbota Tumpa pegua vae, jae ko ipɨatɨtɨ yae vae;

iyoa güi ipɨatɨtɨ vae jare ipɨa omomichi vaeSal 34.18. ngaraa nde reröɨro, cheRu Tumpa.

18CheYa Tumpa, eyapo ikavi vae Sión pe, ndepɨakavi jeko pegua;

emopüa ye Jerusalén ikësea.

19Jayave remboresive yeta mɨmba oyeyukagüe,

mɨmba reta ani mbota temitɨ jäɨ opaetei oyeapɨ vae;

jayave mɨmba oyeapɨ jese vae re oñemeeta toro taɨrusu vae.