1Peñemomɨ̈rata Cristo iporoyora re.Jn 8.32-36. Jare agüɨye mo peiko ye tembipɨɨrä.
2Mase, che Pablo jae peve, peyembocircuncidauka yave, osiriveä etei ko peve Cristo.
3Amombeu ye opaete kuimbae oyembocircuncidauka vae pe, oyapo tai ko opaete mborookuai jei vae.
4Cristo güi ko peyembosɨrɨ, pe mborookuai jei vae peyapo vae rupi peipota peyembojupi vae reta. Tumpa ipɨakavi güi ko pesɨrɨ.
5Echa yande Espíritu jare mborogüɨrovia rupi ko ñaäro yayembojupi vaerä.
6Echa Cristo Jesús re, mbaeä ko oyembocircuncida vae, ani oyembocircuncidaukambae vae. Ikavi vae jae ñanoi yave mborogüɨrovia mboroaɨu reve vae.
7Ikavi yae peguata tëi. ¿Kia pa oeyauka peve añete vae?
8Echa jókuae ñemokɨ̈reɨ mbaetɨ ko ou Tumpa pereenɨi vae güi.
9Mbovɨño mbɨyape imbovúa vae, ombovu opaete mbɨyaperä vae.1 Co 5.6.
10YandeYa jee re, che arovia ko pe reta ngaraa peyemongeta peipoepɨ; ërei kia nunga pembojopa vae Tumpa oiporaraukata ko chupe.
11Cherɨvɨ reta, che amoërakua yae circuncisión, ngaraa tëi ko chemotareɨ vae. Jare ngaraa tëi kia chereröɨro Cristo ikurusu regua amoërakua vae re.
12¡Mbae mona oyeapiao ete voi mo jókuae pomoambeko vae reta!
13Añete ko, cherɨvɨ reta, Tumpa peparavo peyeyora vaerä. Jaeño agüɨye peiporu jókuae yeyora soo jemimbota peyapo vaerä, ërei peyeokuai oyoupeMt 20.26. peyoaɨu reve.
14Echa opaete mborookuai, oyembopo kuae re: “Eaɨu nderapicha nde reyeaɨu rami.”Lv 19.18; Ro 13.8-10.
15Ërei peñeraro reteiño oyoupii yave, opata ko peñomokañɨtei.
Soo jemimbota reta jare Espíritu Santo omee vae16Jáeramo che jae peve kuae: Peiko Espíritu Santo jeia re, agüɨye peiko pesoo jemimbota reño.
17Echa pesoo jemimbota oyovaicho Espíritu Santo re; jare Espíritu Santo jemimbota güɨröɨro soo jemimbota re. Kuae mókoi reta oñogüɨröɨro päve, jáeramo mbaetɨ pepuere peyapo pekɨ̈reɨ tëi peyapo vae.Ro 7.15-23.
18Ërei peiko yave Espíritu Santo jeia re, mbaetɨ ma peiko mborookuai imbaepuere igüɨ pe.
19Soo jemimbota reta oyekuaa körai: Menda re oyuvanga vae, aguasa, teko pɨ̈chɨi, ikuña pota yae ani imbɨapota yae,
20tumpa-raanga pota, mbaekuaa reta, ñemotareɨ reta, ñeapo reta, ñemoägüɨro reta, ñoraro reta, yoambotaä reta, mboromboe añetembae reta,
21yeakatúä reta, yoyuka reta, savaɨpo reta, oasa ete okaru osavaɨpo reve vae, jare jeta ïru ikavimbae. Kuae reta re amombeu ma peve, kërai kuae nunga ikavimbae vae iyapoa reta ngaraa oike Tumpa iporookuaía pe.
22Ërei Espíritu Santo omee yandeve vae jae mboroaɨu, yerovia, mbɨakatu, mbɨaguasu, mbɨakavi, mborogüɨrovia,
23ñemomichi, yeandu mbaembae güi vae. Kuae reta re mbaetɨ mborookuai mbae jei.
24Ërei Cristo imbae ma vae reta oikutu ma kurusu re opaete soo jemimbota reve.Ro 6.3-14; Gl 2.20; 6.14.
25Yaiko ma yave Espíritu Santo rupi, yayapo Espíritu Santo jeia.
26Agüɨye yayembotuicha. Agüɨye yayovaicho oyoupii. Agüɨye yandepɨakatúä oyokotɨ.
Who We AreWhat We EelieveWhat We Do
2025 by iamachristian.org,Inc All rights reserved.
