1CheYa Tumpa, ndereño ayeko,
¡agüɨye etei tañemomaraiuka!
¡Chereepɨ, echa nde ko jupi vae!
2Emboɨke ndeapɨsa eyeapɨsaka cheré;
chereroasayepe jarembaeño.
Ita guasu rami eï cheve,
ñepɨ̈roa chereroasayepe vaerä.
3¡Nde ko jae ita guasu rami cheve vae, jare cheñepɨ̈roa!
¡Chereroata, cheangareko; nderee imboetea yae jeko pegua!
4¡Cherenoe ñuai oñono reta cheve vae güi,
echa nde ko jae cheñepɨ̈roa!
5Añono cherekove ndepo pe,
¡nde chereepɨ cheYa, Tumpa añete vae!
6Aröɨro tumpa-raanga imboetea reta,
ërei che ndereño ayeko.
7Avɨakatuta, ayeroviata ndeporoparareko re,
echa remae chepɨatɨtɨ re,
reikuaa aiporara aï vae reta.
8Mbaetɨ chemee tovaicho reta ipo pe;
echa cheñono jëguambaea pe.
9Cheparareko cheYa Tumpa,
echa mbɨatɨtɨ pe aï.
Mbɨatɨtɨ chembopɨtu,
¡opaetei cherete jëogüe!
10¡Echa mbɨatɨtɨ chembopaa chereraja!
Chepɨ̈rata opa ma cheyoa jeko pegua,
¡cherete mbaetɨ ma ipuere!
11Opaete cherovaicho reta cheyóyai yóyai,
cherëta-ɨpɨ pegua reta omondo ete yé,
chekuaa vae reta okɨɨye chegüi,
¡ikatu rupi
Metei rami oyemongeta reta oyapo vaerä ikavimbae cheve,
¡oyemongeta reta cheyuka vaerä!
14Ërei che ndereño ayeko cheYa Tumpa,
jae: “¡Nde ko jae cheTumpa!”
15Ndepo pe ko oï aikove aiko vae,
chereepɨ cherovaicho reta güi jare chepïaro vae reta güi.
16Emae ndepɨakatu reve che nderembiokuai re,
ndeporoparareko rupi chereroasayepe.
17Agüɨye tañemomaraiuka cheYa Tumpa,
echa che ayerure ndeve.
Toñemomaraiuka iyoa vae reta,
kïrii ngatuño etei toñogüɨnoi omanogüe reta ñogüɨnoia pe.
18Kïrii topɨta iyapu vae reta,
oasa ete jasɨ katu jei jupi vae reta kotɨ vae,
ipɨapochɨ jare oporomotareɨ reve.
19¡Tuicha yae ko ndepɨakavi,
oipoɨu ndegüi vae reta kotɨ!
Kuimbae reta jovake remee nderé oyeko vae reta pe.
20Nde reï jae reta ndive vae rupi
reroasayepe oporomomburu vae reta güi;
reñono reta ndero guakapi pegua pe rami,
jovaicho reta iporoangao güi.
21Toyemboete cheYa,
echa jae oyapo mɨakañɨ cheve iporoparareko rupi,
tëta guasu jëguambaea pe.
22Jarembae voi jae: “Ayemombo ma Tumpa jóvai güi,
ërei nde reendu cheyerure, asapúkai ndeve yave.”
23Opaete, pe jupi vae reta, peaɨu yandeYa.
Jupi vae reta re yandeYa oyangareko,
ërei oiporarauka oyembotuicha reve mbae oyapo vae pe.
24Peñemomɨ̈rata opaete yandeYa reño peyeko vae reta,
peñemoäta ngatu pepɨa pe.
Who We AreWhat We EelieveWhat We Do
2025 by iamachristian.org,Inc All rights reserved.
