1Salomón itairari, ipöra yae ïru tairari reta güi vae.Tenondegua tairariKuña:
2¡Cheyurupɨte mona nde etei!
Echa jëe yae ko ndeporoaɨu vino güi,
3ikäti kavi otimbo reñono ndeyé vae,
nderee otimbo, mbae ikäti kavi vae oyepɨyere rami.
¡Jáeramo kuñatai reta nderaɨu yae!
4¡Chereraja nderupíe! ¡Yaja!
¡Chereraja ndero pe, mburuvicha guasu!
Coro:Rovɨakatu jare royerovia yaeta ko nde ndive,
royekouta ndeporoaɨu re, oasa yeta vino güi.
¡Jáeramo yepe, nderaɨu yae kuñatai reta!
Kuña:5Kuña reta Jerusalén pegua,
cherúndai viña, ërei chepöra yae;
cherúndai ko, Cedar pegua reta jo guakapi pegua jüu vae rami,
chepöra, Salomón jo jöke regua asoya rami.
6Agüɨye pemae cherúndai ko vae re,
echa kuaraɨ ko cherapɨ.
Chekɨvɨ reta ko pochɨ cheve,
javoi chemondo ayangareko vaerä uvarupa re,
¡ërei chembae re ae mbaetɨ ma ayangareko!
7Roaɨu vae, emombeu cheve,
¿kerupi pa remongaru nderɨmba reta?
¿Kia pe pa remombutuu, kuaraɨ ara mbɨte yave?
Echa, ¿këraita pa aguataiño aiko jopa vae rami,
neïru reta jɨmba reta iyɨ́vɨri rupi?
Coro:8Nde mbaetɨ reikuaa yave,
nde, maepöra yae kuñatai reta ipɨte pe vae,
emomoe mɨmba reta jaɨkuere;
emongaru ndekavara raɨ reta,
omaangareko vae reta jeyupa iyɨ́vɨri rupi.
Kuimbae:9Roaɨu vae, mburuvicha guasu Faraón ikäretou imoataa kavayu kuña ikavi yae vae rami ko nde cheve.
10¡Nderova omboaruanda nenamicha reta!
¡Ndeayu omboaruanda ndepoɨ reta!
11Yayapota ndepoɨrä oro pegua,
korepoti pe oñemopöra kavi vae.
Kuña:12Mburuvicha guasu oguapɨ ramboeve tenda pe,
cheñemokätía otimbo kavi yae.
13Kuimbae aaɨu vae, metei jɨru raɨ mirra rami ko cheve,
areko avei chepɨtía re vae.
14Kuimbae aaɨu vae, mbaepotɨ ikäti kavi rami ko cheve,
mbaepotɨ reta En-gadi pegua.
Kuimbae:15Roaɨu vae, ¡ndekavi yae!
¡Oasa ete yé nepöra!
¡Nderesa reta, pɨkasu jesa rami ko!
Kuña:16Roaɨu vae, ¡ndekavi yae!
¡Oasa ete yé ndekavi!
Kuimbae:¡Yanderupa kapiata jovɨ kavi vae!
17Ɨ̈vɨrare ko yandero re oyepɨasa vae,
jare yandero omopöra vae.
Who We AreWhat We EelieveWhat We Do
2025 by iamachristian.org,Inc All rights reserved.
