1Job jekuae imiari ye, jei:
2¡Tumpa jee re jae, opɨ̈ro chegüi anoi tëi vae,
Imbaepuere yae ete vae oiporarauka cheve,
3jae omee ramboeve cheve aikove aiko vaerä,
4ngaraa chemiari ikavimbae re,
ngaraa cheapu!
5Aikove aiko ramboeve, ngaraa ayemboekouka.
¡Ngaraa amaeño pe reta chemboeko!
6Jupi aiko vae re ayepɨɨta,
ngaraa ayemboeko cheyemongeta pe,
opaete ara aikove aiko ramboeve.
7¡Opaete oyovaicho che ndive vae,
toiporara iyoa vae jeko pɨ̈chɨi vae rami!
8¿Güɨnoita ra mbae ikavigüe ipɨapochɨ vae,
Tumpa opɨ̈ro ma jekove chugüi yave?
9¿Oenduta ra isapúkai Tumpa chupe,
ou jese tembiporara guasu yave?
10¿Oyeroviata ra Imbaepuere yae ete vae re?
¿Omboete pɨi pɨita ra?
11Che toromboe Tumpa imbaepuere re,
ngaraa etei añomi ndegüi Imbaepuere yae ete vae regua.
12Ërei pe reta opaete ko peecha ma,
¿maera pa pemiariiño?
Zofar:13Jae kuae tembiporara Tumpa Imbaepuere yae ete vae,
oiporaraukata kuimbae ipïrimbae pe jare ipɨapochɨ vae pe.
14Taɨ reta jeta oñemuña yave, omano retata ñeraro pe,
imichia raɨ reta mbaetɨ jɨ̈vɨata tembíu re.
15Jembɨregüe oikoveño vae reta, mbaerasɨ pɨ̈chɨi oyukata,
jare imemano vae reta ngaraa oäpiro.
16Omboatɨ tëita korepoti ɨvɨkúi rami,
jare güɨnoi temimonde jeta rupi,
17jókuae temimonde reta omboatɨgüe pe, jupi vae oyemondeta,
jare jekombae opɨtata jeko kavimbae ikorepotigüe ndive.
18Jeko pɨ̈chɨi vae jo güɨraraitɨ ramiño,
tapɨi ko järoa jo ramiño.
19Oikokatu vae jaeño ma oyapakuata jupa pe,
opüa ye yave, mbaetɨ ma mbae güɨnoi.
20Ara pe etei opüata jese oporoiämondo vae reta,
jare ɨvɨtuai pɨ̈tu yave güɨrajata.
21Ɨvɨtu kuaraɨ oëa kotɨ güi ou vae güɨroveveta,
jökorai ama ɨvɨtuai reve vae güɨnoeta jo güi.
22Tumpa oiporaraukata chupe, jare ngaraa iñɨ̈ro chupe,
ikɨ̈reɨ tëita ojoyepe vaerä imbaepuere güi.
23Oyepopete retata ikotɨ,
jare ñogüɨnoia güi otuvɨñee retata jese.
Who We AreWhat We EelieveWhat We Do
2025 by iamachristian.org,Inc All rights reserved.
