1Kia nunga vae omee yave mbota temitɨ jäɨgüe cheve, tomee trigokúi ipɨuasɨ vae, jare topɨyere jese olivo iasaite jare ikäti kavi vae incienso.
2Jare togüɨraja sacerdote reta pe, Aarón taɨ reta pe; jare trigokúi ipɨuasɨ vae güi sacerdote toekɨ metei poagua, jare olivo iasaite güi opaete ikäti kavi vae incienso ndive, jare toapɨ mɨmba oyeyuka oyeapɨ jese vae re jókuae mbota reta oñemee vae jekovia peguarä vae, mbota oyeapɨ vae ko, ipiche katu vae ko cheveguarä.
3Jare mbota güi jembɨregüe topɨta Aarón jare taɨ reta peguarä; mbae oñeñono tee kavi yae ete vae ko, mbota reta güi cheveguarä.
4Kia nunga vae omee yave mbotarä horno pe oyemboyɨ vae, toyapo mbɨyape trigokúi ipɨuasɨ vae oyembovumbae olivo iasaite pe oyemómbɨu vae, jare mbɨyape ipïreriasɨ vae oyembovumbae olivo iasaite pe oñeapiramo vae.
5Ërei omee yave mbotarä temitɨ jäɨgüe takɨpe pe oyemboyɨ vae, toyapo trigokúi ipɨuasɨ vae oyembovumbae olivo iasaite pe oyemómbɨu vae.
6Topɨ̈saa jókuae mbɨyape, jare topɨyere jese olivo iasaite; echa mbota temitɨ jäɨgüe ko.
7Kia nunga vae omee yave mbota ɨvɨyapepo pe oyɨ vae, toyapo trigokúi ipɨuasɨ vae oyembovumbae olivo iasaite pe oyemómbɨu vae.
8Jare togüeru cheve kuae mbota reta oyeapo vae, jare tomee sacerdote pe, jae togüɨraja mɨmba oyeyuka oyeapɨ jesea pe.
9Jare sacerdote toekɨ mbovɨ jókuae mbota oñemee vae güi jekovia peguarä; jare toapɨ mɨmba oyeyuka oyeapɨ jese vae re, mbota ipiche katu vae ko cheveguarä.
10Jare jókuae mbota güi jembɨregüe topɨta Aarón jare taɨ reta peguarä; mbae oñeñono tee kavi yae ete vae ko mbota reta güi cheveguarä.
11Agüɨye etei mbota oyembovugüe toñemee cheve; echa ngaraa etei ko mbae ombovu vae, ani ei yepe oyeapɨ cheve;
12ërei toñemee cheve mbota mbaagüɨyerɨpɨ rami; ërei agüɨye toyeapɨ mɨmba oyeyuka oyeapɨ jese vae re, ïru mbota reta oyeapɨ oñemee cheve vae rami.
13Jare toyemboembochɨMc 9.49. opaete mbota temitɨ jäɨgüe oñemee vae, jare agüɨye etei toata yukɨ mbota oñemee vae pe, yukɨ morogüɨrökuavee päve pegua neTumpa ndive oyeapo vae; echa yukɨ oporomomaendúa aveita morogüɨrökuavee päve peyapo oyoupe vae re; jáeramo toñeñono avei yukɨ opaete mbota oñemee vae re.
14Oñemee yave mbota mbaagüɨyerɨpɨ cheve, toyeimbe tata pe jókuae mbaagüɨyerɨpɨ jovɨgüe jare jäɨ oyeapasogüe, körai toñemee mbota mbaagüɨyerɨpɨ.
15Jare topɨyere jese olivo iasaite jare ikäti kavi vae incienso, echa mbota temitɨ jäɨgüe ko.
16Jare sacerdote toapɨ mbovɨ, jókuae mbota reta oñemee vae jekovia pe; temitɨ jäɨ oyeapasogüe güi, olivo iasaite jare opaete ikäti kavi vae incienso, echa mbota oyeapɨ vae ko cheveguarä.
Who We AreWhat We EelieveWhat We Do
2025 by iamachristian.org,Inc All rights reserved.
