1¡Petairari pevɨa katu reve Tumpa pe,
ñanemopɨ̈rata vae pe!
¡Pemboete pesapúkai yerovia katu reve Jacob iTumpa!
2Petairari reve pembopu angúa raɨ,
arpa ikavi yae ipu vae jare ngitara.
3Pemoñee mimbɨguasu yasɨ pɨau pe,
jare yasɨ jova guasu yave;
jae ko yandearete mbaemboete pegua iara,
4echa jae ko mborookuai Jacob iTumpa omee, Israel iñemuña reta peguarä vae.
5Jae ko mborookuai oñemee José pe vae,
Tumpa oiporarauka Egiptoɨgua reta pe yave.
Aendu ñee aikuaambae vae jei körai:
6“Ambogüeyɨ voɨta ndeatiɨ güi,
ndepo reta opoi mbaravɨkɨ ipoɨ vae güi.
7Resapúkai reyerure mbɨatɨtɨ iara pe
jare che roepɨ;
amboyevɨ ndeve ararɨapu rupi;
rojäa ɨ Meriba
10Che ko jae ndeYa Tumpa,
ɨvɨ Egipto güi nerenoe vae,
eyurupeka jare toromoangapɨɨ.
11Ërei tëta chembae vae mbaetɨ oipota oyeapɨsaka cheñee re;
¡Israel, mbaetɨ oipota oyapo che jae vae!
12Jáeramo amaeño oyapo reta ipɨa jemimbota,
yogüɨreko reta iyemongeta ae rupi.
13¡Tëta chembae vae oyapo yave mona che jae vae!
¡Israel, oguata yave mona cheremimbota rupi,
14aramoete ko opata tëi amoamɨri chupe jovaicho reta,
aiporaraukata tëi ko jókuae jovaicho reta pe!”
15YandeYa imotareɨa reta opata tëi ko iñamɨri,
jökoraita tëi opɨta reta jekuae avei pegua.
16Tumpa omongaruta viña imbae vae reta trigo ikavigüe pe,
jare ei ñana rupigua pe omoangapɨɨta tëi ko.
Who We AreWhat We EelieveWhat We Do
2025 by iamachristian.org,Inc All rights reserved.
