1 REYES 10 - Guarani Bible with DC

Mburuvicha kuña Sabá pegua opou Salomón pɨri(2 Cr 9.1-12)

1Mburuvicha kuña Sabá peguaMt 12.42; Lc 11.31. oendu Salomón jërakua kavi yae yandeYa omborɨ vae rupi yave, ou oparandu chupe mbae yavaigüe re ojäa vaerä.

2Jare ou Jerusalén pe, jeta jupiegua reta ndive, camello reta ombovoɨta mbae ikäti kavi vae pe, jeta yeyé oro jare ita ipöra yae vae reta; ou Salomón pɨri yave oparandu chupe opaete ipɨa pe güɨnoi vae re.

3Jare Salomón omombeu chupe opaete mbarandu oyapo chupe vae. Jare mburuvicha guasu mbaetɨ mbae nunga mbarandu oeya jökoraiño.

4Jare mburuvicha kuña Sabá pegua oecha opaete Salomón iyarakuaa katu vae, jare o oyapogüe vae,

5jaeramiño vi tembíu imesa pe oï vae, jare iyɨvɨrigua mburuvicha reta jo, oyeokuai chupe vae reta jemimonde jare kërai yogüɨreko vae, jare oporoëɨ vae itenondegua reta, jare yandeYa jo pe omee mɨmba oyeyukagüe opaetei oyeapɨ vae reta yave, ipɨakañɨ opɨta.

6Jare jei mburuvicha guasu pe: “Añetete yepe aendu cheɨvɨ pe opaete ndembaembae re jare ndearakuaa katu regua vae,

7che mbaetɨ arovia tëi ayu regua jare aecha, mbaetɨ yepe mbɨte ave omombeu reta cheve; tuicha yae ete yepe ndearakuaa jare ndembaeyekou reta, nerërakua kavi aendu vae güi.

8¡Oyerovia katu ko aipo ndeɨvɨrigua kuimbae reta, oyekou ko aipo ara ñavo ñogüɨnoi avei nderóvai vae reta, oendu ndearakuaa katu vae reta!

9¡Toyemboeteuka ndeYa Tumpa, ipɨakatu ndekotɨ neñono ramboeve mburuvicha guasurä Israel re vae! Echa ndeYa oaɨu avei ko Israel, ¡jáeramo neñono mburuvicha guasurä, reporookuai vaerä jupi rupi jare sɨmbi rupi!”

10Javoi jae omee mburuvicha guasu pe tres mil noveciento sesenta kilo oro, jare jeta yeyé mbae ikäti kavi vae jare ita ipöra yae vae reta. Mbaetɨi Israel pe jeta ou mbae ikäti kavi vae mburuvicha kuña Sabá pegua ombopota mburuvicha guasu Salomón pe vae rami.

11Jaeramiño vi Hiram ibarco güeru oro Ofir güi vae, güeru vi jeta joko güi ɨvɨra sándalo jee vae jare ita ipöra yae vae reta.

12Mburuvicha guasu oyapo jókuae ɨvɨra sándalo güi, omopöra vaerä yandeYa itupao jare mburuvicha guasu jo, jare oyapo vi arpa, ngitara ombaembopu vae reta peguarä. Mbaetɨi jökorai oyemboatɨ ani oyeecha añave rupi jeta ɨvɨra sándalo jee vae.

13Jare mburuvicha guasu Salomón omee mburuvicha kuña pe jae oipota vae, jókuae iárambo ombopota ye. Jaɨkue rupi mburuvicha kuña ojo ye iɨvɨ kotɨ opaete jembiokuai ndive.

Salomón imbaeyekou jare jërakua yae vae regua(2 Cr 9.13-24)

14Salomón omboresive oro año ñavo vae, oupitɨ veintidó mil kilo.

15Oyepapambae reve omaemee vae reta omboepɨ vae jare ïkotɨa güi mbae güeru omee vae reta omboepɨgüe, jare opaete mburuvicha guasu reta Arabia pegua jare mburuvicha reta ïru ɨvɨ pegua.

16Mburuvicha guasu Salomón oyapouka vi dosciento yeopiaka tuicha vae, oro oyemboipegüe pegua, metei ñavo ipoɨ ova kilo.

17Oyapouka vi tresciento yeopiaka michi vae oro oyemboipegüe pegua, metei ñavo ipoɨ mókoi kilo seri, jare oñono mburuvicha o ombojee “Kaa Líbano” pe vae pe.

18Oyapouka vi mburuvicha guasu iguapɨka mborookuaía pegua elefante jäimbukugüe pegua, jare oñovauka oro oyeambae pe.

19Mburuvicha guasu iguapɨka oï ova pɨ̈rokaa pe ɨvate, tenda iyekoa iárambo yapúa jare jendɨvanga jovaicho icho iyɨpɨ pe ñogüɨnoi yaguapope iä oyemboɨ vae.

20Oime vi doce yaguapope iä oyemboɨ ñogüɨnoi vae, jókuae ova pɨ̈roka iyɨke yɨke pe. ¡Mbaetɨ yé ketɨ mborookuaía pe guapɨka jökorai oyeapo vae!

21Jare opaete mburuvicha guasu Salomón ikopa oɨu pɨpe vae oro pegua, jökoraiño vi opaete mburuvicha o iporookuaía ombojee “Kaa Líbano” pe vae pegua. Mbaetɨ etei mbae korepoti pegua, echa Salomón iara pe mbaetɨ jepɨ.

22Echa barco Tarsis pegua mburuvicha guasu güɨnoi vae, Hiram imbae ndive yogüeru metei vese mboapɨ año pe, güeru reve oro, korepoti, elefante jäimbukugüe, machi jare pavo júguai puku ipara vae.

23Mburuvicha guasu Salomón oyapɨraa opaete ïru mburuvicha reta, imbaeyekou pe jare iyarakuaa pe.

24Opaete vae oipota yae oecha jare oyeapɨsaka arakuaa Tumpa omee chupe vae re,

25jare opaete vae año ñavo güɨraja chupe mbota: Mbae ipöra yae vae korepoti pegua jare oro pegua, ñeapevaka reta, tembiporu ñeraro pegua, mbae ikäti kavi yae vae, kavayu jare mburika guasu.

Salomón omee käretou jare kavayu jeta rupi(2 Cr 1.14-17; 9.25-28)

26Salomón ogua käretou reta jare omboatɨ kavayu regua kuimbae reta. Güɨnoi mil cuatrociento käretou jare doce mil kavayu regua kuimbae reta,1 R 4.26. kuae reta oñono tëta guasu reta käretou ñeraro pegua jenda rupi, jare Jerusalén oäro vae reta pɨri.

27Mburuvicha guasu güeru jeta rupi korepoti Jerusalén pe itaDt 17.17. jeta rami; jare jeta ɨ̈vɨrare ɨvaviyu jeta ɨvɨpe kavi rupi rami.

28Salomón peguarä kavayu jare nieso oyereru Egipto güi, jare Cilicia güi, echa mburuvicha guasu jembiokuai reta omaemee vae reta joko pe ogua.Dt 17.16.

29Metei käretou oyereru Egipto güi vae jepɨ seisciento reare korepoti pegua, jare metei kavayu jepɨ ciento cincuenta. Jare opaete Het iñemuña reta juvicha reta jare Siriaɨgua reta ombaegua Salomón jembiokuai reta güi.