1Salomón, David taɨ oï kavi ete iporookuaía pe, iYa Tumpa oiko jae ndive, ombotuicha yeyé imbaepuere.
2Jare Salomón omboatɨ opaete Israel iñemuña reta: Sundaro jeta vae juvicha reta, mburuvicha oporojäa vae reta, mburuvicha Israel pegua reta jare metei ñemuña vae itenondegua reta.
3Jare Salomón opaete jókuae yatɨ vae reta ndive yogüɨraja Gabaón pe, mbaemboete renda jókuae ɨvɨtɨ re oïa pe, echa joko pe oï tupao guakapi pegua yemboatɨ renda Tumpa imbae Moisés yandeYa jembiokuai oyapo ñuu pe vae.
4Ërei David güeru yepe Tumpa ikäjou Quiriat-jearim güi jae oñono kavi jendarä vae pe, echa jae omopüa chupe metei o guakapi pegua Jerusalén pe.2 S 6.1-17; 1 Cr 13.5-14; 15.25—16.1.
5Jókuae tupao guakapi pegua yandeYa imbae jóvai oï mɨmba oyeyuka oyeapɨ jese vae jiero iyu vae pegua Bezaleel,Ex 38.1-7. Uri taɨ, Hur jɨmɨmino oyapogüe. Joko pe Salomón jeta vae reta ndive yogüɨraja oparandu Tumpa pe.
6Jare Salomón omee mil mɨmba oyeyukagüe opaetei oyeapɨ vae Tumpa pe jókuae mɨmba oyeyuka oyeapɨ jese vae jiero iyu vae re, tupao guakapi pegua yemboatɨ renda jóvai oï vae.
7Jare jókuae pɨ̈tu Tumpa oyekuaa Salomón pe jare jei chupe: “Eiporu cheve nde reipota vae, tamee ndeve.”
8Jare Salomón jei Tumpa pe: “Nde reiparareko yae cheru David, jare nde cheñono mburuvicharä jae jekovia pe.
9Añave cheYa Tumpa, embopo neñee remee cheru David pe vae, echa nde cheñono kuae tëta jeta ɨvɨkúi rami vae juvicha guasurä.Gn 13.16; 28.14.
10Añave emee cheve arakuaa katu, kërai aroguata kavi vaerä kuae tëta; echa, ¿kia pa ipuereta güɨroata kuae tëta ndembae vae, jeta yae vae?”
11Jare Tumpa jei Salomón pe: “Kuae renoi ndepɨa pe ramo, jare mbaetɨ reiporu reikokatu vaerä, mbaeyekou reta ani yemboete ani nderovaicho reta omano vaerä ani reiko puku vaerä. Ërei reiporu arakuaa katu reroata kavi vaerä chembae vae reta juvicha guasurä roñono vae.
12Arakuaa katu tamee ndeve jare ameeta vi ndeve mbaeyekou reta jare yemboete, mbaetɨ etei kuae nunga güɨnoi mburuvicha guasu reta yogüɨreko tenonde ndegüi vae, mbaetɨta vi jökorai nderaɨkue rupi yogüɨreko vae.”
13Kuae jaɨkue rupi Salomón ou ye mbaemboete renda ɨvɨtɨ Gabaón pe oï vae güi Jerusalén pe, jare oiko mburuvicharä Israel iñemuña reta re.
Salomón omee kavayu jare käretou jeta rupi(1 R 10.26-29; 2 Cr 9.25-28)14Salomón ogua käretou reta jare omboatɨ kavayu regua kuimbae reta. Jare güɨnoi mil cuatrociento käretou jare doce mil kavayu regua kuimbae reta,1 R 4.26. kuae reta oñono tëta guasu reta käretou ñeraro pegua jenda rupi, jare Jerusalén pe mburuvicha guasu oïa pe.
15Jare mburuvicha guasu omboatɨ Jerusalén pe jeta korepoti jare oro, itaDt 17.17. jeta rami jare jeta ɨ̈vɨrare ɨvaviyu jeta ɨvɨpe kavi rupi rami.
16Jare mburuvicha guasu pe omaemee vae reta ogua kavayu jare nieso ikavi vae Egipto pe Salomón peguarä.Dt 17.16.
17Jare yogüɨraja ombaegua reta Egipto pe, metei käretou seisciento reare korepoti pegua jepɨ vae jare kavayu ciento cincuenta reare korepoti pegua jepɨ vae. Jare opaete mburuvicha guasu reta Het iñemuña reta jare mburuvicha guasu reta Siria pegua, ombaegua vi Salomón jembiokuai reta rupi.
Who We AreWhat We EelieveWhat We Do
2025 by iamachristian.org,Inc All rights reserved.