1¡Oyerovia katu ko metei kuña jeko kavi vae ime;
jare oikopukuta ko!
2Metei kuña jeko kavigüe güɨnoiuka ko mbaembae ime pe,
jare omboyerovia oikove oiko ramboeve.
3¡Mbaeyekou ikavigüe vae ko kuña jeko kavi vae oñeväe vae!
Metei mbota ko Tumpa omee kia ñavo iporomboete ikotɨ vae pe.
4Yepe oikokatu vae ani ramo paravete vae, oyeroviata ko
jare jaeñoi ko jova kuera katuta güɨnoi.
5Oime mboapɨ mbae reta chemongɨɨye vae
jare irundɨa jae oasa ete cheiämondo vae:
Ndaye tëta guasu pe kuimbae reta jäsembaigüe jare ñomotareɨ reta;
jae ko mbae reta oasa ete ye mano güi vae.
6Ërei metei kuña omonda japicha vae metei tembiporara yavaetegüe ko,
ikü metei chikote opaete vae re oa rami ko.
7Metei kuña jeko kavimbae metei yuvo okúe vae rami ko;
yapoko jese yave tumɨkarape yaipɨɨ vae rami ko.
8Metei kuña osavaɨpogüe metei yemboavai yavaetegüe ko,
jare oikota ko tesa pe ñemomarai rupi.
9Kuña iporombotavɨ vae omae oporomboetembae reve;
jesa re ko oï kërai jae vae.
10Emae remoëguambae reve metei nderayɨ oporomboete mbae vae re;
agüɨye vaerä, täta oiko pɨagüive vae güi, opoko reta jese vae.
11Emae imae reta imarambae vae re
jare agüɨye vaerä nderesapɨa ndemboete mbae pe.
12Jae oyurupeka ataregua iyue vae rami
jare jou oipotagüe ɨ oväegüe,
oñemee oipotagüe kuimbae pe
jare oipea juvɨrɨru oipotagüe uvɨ pe.
13Kuña ikavigüe omboyerovia ime,
jare iyarakuaa katu yave, omboyekuaata.
14Metei kuña iyarakuaa katu vae Tumpa mbota omeegüe ko;
metei kia oyemboe vae mbaetɨ ko yaikuaa mbovɨ ko jepɨ vae.
15Metei kuña jeko kavi vae jae ko ikavigüe vae;
ngaraa mbae má jepɨ metei kuimbae imbaepoɨu güi.
16Kuaraɨ jembipe ara ɨvategüe re vae rami ko,
kuña ikavigüe metei o oyeangareko kavigüe pe.
17Mechero omboesape oï jenda re tupao pe rami ko
metei tova ikavigüe metei rete jaekavigüe re,
18jare yokoka reta oro pegua oyemboɨ oï korepoti re rami ko
oï itɨma reta ikavigüe jare ipɨ reta oguapɨ kavi oï vae re.
Mbae reta ikavimbae vae28Oime mókoi mbae reta chembopɨatɨtɨ vae
jare mboapɨa chemboarasɨuka vae:
Metei oikokatu vae opɨta mbaravete pe vae,
kuimbae reta iyarakuaa katu vae güɨröɨro vae
jare metei kia oasa mbaepuere güi mbaemomora vae pe vae.
Jókuae, Tumpa omeeta mano pe.
Jeko ikavi vae jare jeko ikavimbae vae29¡Täta ko yavaita omaemee vae pe jeko mbae oï vaerä,
jare ombaegua vae iyoa mbae vaerä!
Who We AreWhat We EelieveWhat We Do
2025 by iamachristian.org,Inc All rights reserved.
