1Jáeramo mbaetɨ orepɨtu. Echa Tumpa iporoparareko rupi omee oreve royeokuai vaerä chupe.
2Mbaetɨ etei royapo vɨari mbae ñemomarai pegua. Mbaetɨ royapo mbae orepoki rupi roporombotavɨ vaerä. Mbaetɨ vi rogüɨrova Tumpa iñee. Jaeño romombeu añete vae, jare royekuaauka opaete vae reta pe Tumpa jóvai.
3Amogüe vae reta pe yavai yae ñee ikavi vae romombeu vae, ërei okañɨtei ñogüɨnoi vae reta pe ko jökorai.
4Echa kuae ɨvɨ pegua tumpa ombopɨtumimbi oporogüɨroviambae reta iyarakuaa, agüɨye vaerä oikuaa kavi ñee ikavi vae Cristo iyemboetea regua. Jae ko Tumpa etei.
5Ore roñemoñee yave, romombeu ko Jesucristo jae ko yandeYa vae; ore ko romae oreyé perembiokuai retaño, Jesús roaɨu ramo.
6Echa Tumpa ko jei oime vaerä pɨtumimbi pe tembipe.Gn 1.3. Jae etei ko omoembipe orepɨa pe, roikuaa vaerä Tumpa iyemboetea oyekuaa Jesucristo rupi.
Mborogüɨrovia rupi yaiko7Jare oime rogüɨnoi mbae ikavi yae vae orerete pe, yepe tëi orerete ñaeu ramiño, oyekuaa vaerä kuae mbaepuere tuicha yae vae oime rogüɨnoi vae Tumpa imbaepuere ko, orembaeä ko.
8Roiporara yae ko opaño mbaembae, ërei mbaetɨ orembopɨtu yae. Jeta yemoambeko, ërei mbaetɨ orembopɨa kërai;
9ïru vae reta oyapo ikavimbae vae oreve, ërei Tumpa mbaetɨ orereeya. Orereitɨ reta tëi, ërei mbaetɨ oremokañɨtei.
10Opaete kerupi rojoa rupi rogüɨraja orerete re Jesús imano, oyekuaa vaerä vi oreré Jesús jekove.
11Echa ore reta oimeño roikove vae, roñemoëgua avei mano pe Jesús roaɨu ramo, oyekuaa vaerä orerete mano pegua re Jesús jekove.
12Jáeramo ore reta romano vaerä roiko, pe reta penoi vaerä tekove.
13Oreporogüɨrovia oyovake ko jókuae oyekuatía oï rami, echa jei: “Che arovia ko. Jáeramo jae.”Sal 116.10. Jaeramiño vi ore rogüɨrovia. Jáeramo oremiari jese.
14Echa roikuaa Tumpa omoingove ye yandeYa Jesús. Jaeramiño vi roikuaa Tumpa oremoingove yeta ko Jesús ndive, jare orererajata pe reta ndive jae jóvai.
15Opaete kuaekuae roiporara, ore poaɨu vae jeko pegua, Tumpa ipɨakavi oï vaerä jeta vae ndive. Jökorai jeta vae omeeta yasoropai Tumpa pe, jare oyemboeteukata.
16Jáeramo mbaetɨ orepɨtu, yepe tëi orerete opa ojo oiko, ërei oreɨvɨte pe oyembopɨau avei.
17Echa kuae roiporara michi peguaño vae, güeru oreve yemboetea ikavi yae vae jare opambae vae.
18Jáeramo mbaetɨ romae mbaembae oyeecha vae re, romae ko mbaembae oyeechambae vae re; echa mbaembae oyeecha vae opa vae ko, ërei mbaembae oyeechambae vae ko opambae.
Who We AreWhat We EelieveWhat We Do
2025 by iamachristian.org,Inc All rights reserved.
