1Petairari Tumpa pe peyerovia reve, opaete ɨvɨ pegua reta.
2Petairari jee imboetea yae re,
pemboete petairari pe iyemboetea.
3Pere Tumpa pe:
“Oporomopɨakañɨ yae nderembiapo reta.
Ndembaepuere tuicha yae vae rupi nderovaicho reta
yogüɨrekota nde rerea re;
4opaete ɨvɨ pegua reta ndemboeteta
jare otairari retata nderee re.”
5Peyu pemae Tumpa jembiapo reta re,
mɨakañɨ reta tuichagüe oyapo kuimbae reta peguarä:
6Omboyao ɨguasu jare omotini,
ñaneñemuñagüe reta oasa ipɨ re ɨ̈aka;
jáeramo, ¡yayerovia jese!
7Jae oporookuai jekuae avei pegua imbaepuere pe;
omae oï tëtaguasu reta re,
ipɨapochɨ vae reta agüɨye vaerä oñemopüa ikotɨ.
8¡Tëtaguasu reta, pemboete ñaneTumpa!
¡Peenduka petairari mbaemboete pegua!
9Echa jae ko omee yaikove vaerä;
mbaetɨ omaeño yagüɨapi.
10OreRu Tumpa, nde ko orejäa,
¡oretɨo kavi, korepoti oyetɨo kaviasɨ rami!
11Orereitɨuka ñuai pe;
reñono oreré voɨta ipoɨ yae vae.
12Remaeño oipotagüe kuimbae reta opɨ̈ro oreaseo re;
roasa tata rupi jare ɨ rupi rami,
ërei taɨkue ete rupi remee roikove.
13Aiketa ndero pe amee ndeve mɨmba oyeyukagüe opaetei oyeapɨ vae;
ameeta ndeve añererökuavee vae,
14chepɨatɨtɨ aï yave,
arökuavee ndeve vae.
15Ameeta ndeve mɨmba oyemongɨragüe opaetei oyeapɨ vaerä vae vecha kuimbae;
ameeta ndeve mɨmba oyeyukagüe toro jare kavara kuimbae.
16¡Peyu, opaete Tumpa güi peipoɨu vae reta!
¡Peyeapɨsaka, amombeuta peve mbae oyapo cheveguarä vae!
17Che aenɨi, jare amboete.
18Chepɨa pe anoi yemongeta ikavimbae vae yave,
mbaetɨta tëi ko Tumpa oyeapɨsaka cheré.
19¡Ërei jae oyeapɨsaka cheré,
oendu cheyerure amoñera reve vae!
20¡Toyemboeteuka Tumpa,
mbaetɨ cheyerure güɨröɨro chegüi vae,
mbaetɨ iporoparareko ombosɨrɨ chegüi vae!
Who We AreWhat We EelieveWhat We Do
2025 by iamachristian.org,Inc All rights reserved.
