1Tumpa regua, Judá pegua reta oikuaa kavi yae;
Israel pe jërakua yae ko jee.
2Jerusalén pe oï itupao guakapi pegua,
ɨvɨtɨ Sión re oï jae oikoa.
3Joko pe opa omopë tembiporu ñeraro pegua reta:
Uvɨ, güɨrapa, yeopiaka jare kɨsepuku.
4¡CheRu Tumpa, ndeyemboetea ikavi yae vae ko nde!
¡Ndetuicha yae ko opaete ɨvɨtɨ guasu reta oiko ñomai vae güi!
5Ipɨatäta yae vae reta imbaembae opa oñepɨ̈ro chugüi reta;
mbaetɨ etei metei ave mbae ipuere oyapo ipɨ̈rata yae vae reta,
¡opa omano reta!
6CheRu Tumpa, Jacob iTumpa,
nde neñeeäta yave, mbaetɨ ipuere omɨi
käretou jare kavayu ave.
7¡Nde, kɨɨyea yae ko!
¿Kia pa ipuereta oyemboɨ nderóvai ndearasɨ reï yave?
8Ara güi reenduka neporojäa;
ɨvɨ okɨɨye jare kïrii opɨta,
9repüa reporojäa vaerä yave cheRu Tumpa,
jare reroasayepe opaete oiporara ɨvɨ pe vae yave.
10Kuimbae iyarasɨ ndemboeteukata;
¡michi yae iyarasɨ vae ave ndemboeteukata!
11Peyapo ñererökuavee peYa Tumpa pe,
ërei pembopo jókuae perökuavee vae;
opaete peï Kɨɨyea yae vae iyɨ́vɨri vae reta,
peru chupe mbota reta.
12Jae oekɨ mburuvicha reta jekove,
kɨɨyea yae ko jae, mburuvicha guasu reta ɨvɨ pegua pe.
Who We AreWhat We EelieveWhat We Do
2025 by iamachristian.org,Inc All rights reserved.
