JOB 35 - Guarani Bible with DC

Eliú iñemoñee mboapɨa

1Eliú imiari ye jae oyemongeta rami, jei:

2¿Reyemongeta pa jaekavi rere vaerä: “Jupi ko che Tumpa güi”?

3Echa rere: “¿Maera reyangareko cheré cheyoa yave,

mbae pe pa ndemboavai cheyoa?”

4Che tamboyevɨ ndeve ndeyemongeta,

jare ndevɨa-ïru reta pe vi.

5Emae ara reta re, emae kavi jese,

mombɨrɨ opɨta amapɨtu reta ndegüi.

6Ndeyoa yave, mbaetɨ mbae reyapota Tumpa pe,

jeta reyembopɨapochɨ ikotɨ vae pe ngaraa remboavai.

7Jupi reiko yave, ¿mbae pa remeeta chupe,

ani mbae pa oipɨɨta ndegüi?

8Kuimbae reta nde rami vae rerokomeguata ndeyoa pe,

ani jupi vae reyapo vae rupi

yogüɨreko kavita.

9Kuimbae reta osapúkai yogüɨrekoasɨ katu jeko pegua,

oeka reta kia güɨroasayepe vaerä imbaepuere vae reta güi;

10ërei mbaetɨ oeka reta Tumpa jae iyapoa,

omee yerovia pɨ̈tu yave vae,

11oporomboe mɨmba reta rupi vae,

oporomboarakuaa güɨra reta rupi vae.

12Jáeramo osapúkai reta yave, Tumpa mbaetɨ omboyevɨ chupe reta,

echa jae reta ko kuimbae jeko pochɨ jare iyemboete iyé vae.

13Tumpa Imbaepuere yae ete vae,

mbaetɨ oendu jupimbae;

mbaetɨta omae jókuae nunga reta re.

14Nde rere mbaetɨ reecha Tumpa vae,

ndereko reta ñogüɨnoi ko jae jóvai, jáeramo eäroño.

15Añave ikaviño, echa mbaetɨño oiporarauka iyarasɨ rupi,

mbaetɨño oyangareko mbatee oyovaicho jae ndive vae re.

16¡Job, nemiari mbateeiño ma,

nemiariiño ma ndearakuaambae reve!