1Echa Cristo oiporara kuae ɨvɨ pe yanderé. Jáeramo pe reta peïndaivi vi peiporara vaerä. Echa oiporara vae, oyembosɨrɨ ko mbaeyoa güi,
2agüɨye vaerä ma oikove oiko ramboeve oiko kuimbae reta rami isoo jemimbota rupi, jaeño Tumpa jemimbota rupi.
3Peyapo ma ko ɨma rupi oporogüɨroviambae reta omomora vae; peiko yepi soo jemimbota reta rupi, savaɨpo rupi, oasa ete pekau jare pekaru vae rupi, kau rupi avei jare petumpa-raanga pota ikavimbae yae vae rupi.
4Jare añave mbaetɨ ma peiko jae reta ndive jeko kavimbae pe ramo, mbaetɨ ma ipöra chupe reta jare jei reta mbae ikavimbae pekotɨ.
5Ërei jae reta vi oyemboɨta Tumpa jóvai, jae ojäa yave oikove vae reta jare omanogüe reta,
6echa jáeramo oñemoërakua vi ñee ikavi vae omano vae reta pe, ipuere vaerä oikove reta espíritu rupi Tumpa pe, yepe tëi oñejäa reta kuae ɨvɨ pe yogüɨreko ramboeve.
7Ërei oyearo ma opaete mbaembae reta iyapɨ vaerä. Jáeramo peyeandu katu jare peyerure avei pekueraimbae reve.
8Pembotenonde peyoaɨu yae avei vae. Echa mboroaɨu güeru jeta ñɨ̈roPr 10.12; 1 Co 13.7. mbaeyoa re.
9Peyomboresive päve pero pe, peñeengurumbae reve.Ro 12.13.
10Tumpa omee metei ñavo pe mbaepuere peyeokuai vaerä oyoupe. Peyeokuai tembiokuai ikavigüe rami, Tumpa jeta omee ipɨakavi rupi vae re.
11Kia oñemoñee vae, toñemoñee Tumpa jei rami; oyeokuai vae, toyeokuai Tumpa omee mbaepuere chupe vae rupi, Tumpa oyemboeteuka vaerä opaete mbaembae pe Jesucristo rupi, echa Tumpa imbae ko yemboetea jare mbaepuere jekuaekuae avei rupi. ¡Amén!
Iporogüɨrovia re oiporara vae reta12Cherɨvɨ aaɨu vae reta, agüɨye pepɨakañɨ peiporara yae peï vae re, echa jökorai ñotai ko yandeve.
13Ërei peiporara peï yave peyerovia, echa peikuaa peiporara ko peï Cristo oiporara rami, peyerovia yaeRo 8.17; 1 P 4.1. vaerä jae iyemboetea oyekuaa yave.
14Peyerovia, ïru vae reta jei yave ikavimbae vae pekotɨ Cristo re perovia ramo, echa Tumpa iEspíritu oï pe ndive. Jae reta jei ikavimbae vae Cristo kotɨ, ërei pe reta pemboete.
15Ërei agüɨye metei ave pegüi reta toiporara oporoyuka ramo, ani imonda ramo, ani ikavimbae vae oyapo rami, ani oyemoingeiño teko ambuae pe ramo.
16Ërei peiporara yave Cristo re perovia jeko pegua, agüɨye pemara, jaeño pemboete Tumpa jókuae re.
17Echa oväe ma ara Tumpa ojäa vaerä imbae vae reta; omboɨpɨ yave ojäa jo pegua reta, ¿këraitita ndipo ojäa iñee kavi kotɨ iñeereendumbae reta?
18Echa Tumpa Iñee jei: “Jupi vae yavai yae rupi oyemboasauka yave, vɨtei pa jupimbae jare iyoa vae.”Pr 11.31.
19Jáeramo Tumpa jemimbota rupi oiporara vae reta jekuaeño toñeñono Iyapoa jupi vae ipo pe, jare toyapo ikavi vae.
Who We AreWhat We EelieveWhat We Do
2025 by iamachristian.org,Inc All rights reserved.
