LEVÍTICO 23 - Guarani Bible with DC

Arete guasu reta mbaemboete pegua(Nm 28.16-25)

1YandeYa jei Moisés pe:

2“Ere Israel iñemuña reta pe: Peyapo arete reta ikavi yae vae cheve, pemoërakua yemboatɨ guasu mbaemboete pegua, jae kuae reta:

3Peparavɨkɨ ova ara, ërei chiúa ara pe peputuu, yemboatɨ mbaemboete pegua ko. Agüɨye peyapo mbae nunga mbaravɨkɨ, ara mbutuu pegua ko cheveguarä, peyomboatɨ oipota rupi peikoa rupi.

4Jae kuae arete reta mbaemboete pegua cheveguarä, yemboatɨ reta mbaemboete pegua ko; kuae ara oväe ñavo peyomboatɨ:

5Tenondegua yasɨ ara catorce pe, kaaru ma yave, che peYa iPascua ko.

6Jare ara quince pe, jókuae yasɨ mbɨyape reta güi pɨareve pe togüɨrökuavee tomee.

12Jókuae ara pemee yave trigo iagüe, pemee vecha kuimbae taɨrusu vae metei año vae, jete kavi vae, mɨmba oyeyukagüe opaetei oyeapɨ vae cheve.

13Peru vi irundɨ kilo y medio trigokúi ipɨuasɨ vae olivo iasaite pe oyemómbɨu vae, mbota oyeapɨ vaerä, mbae ipiche katu yae vae ko cheveguarä, jare metei litro vino mbota oyepɨyere vae.

14Agüɨye peu mbɨyape ani trigo jäɨ oyeimbegüe ani ipɨaugüe, ndei peraja mbove mbotarä Tumpa pe, kuae mborookuai toiko avei peve jare peñemuña reta pe, oipota rupi peikoa rupi.

15Peipapa chiu semana kavi ara mbutuu pegua güire, mbota trigo iagüe oñererökuavee oñemee güire.

16Peipapa chiu ara mbutuu pegua jare metei ara ye, opaete reve cincuenta ara, jayave pemee mbota trigo pɨau cheve,

17jare peikoa güi peraja mókoi mbɨyape mbota oñererökuavee vaerä; peyapo mbɨyape oyembovugüe irundɨ kilo vae, trigokúi ipɨuasɨ vae pegua, mbota mbaagüɨyerɨpɨ oñemee vaerä cheve.

18Jókuae mbɨyape reta ndive pemee mɨmba jete kavi vae: Chiu vecha kuimbae taɨrusu vae metei año vae, metei toro taɨrusu vae, mókoi vecha kuimbae; mɨmba oyeyukagüe opaetei oyeapɨ vaerä jare metei litro vino mbota oyepɨyere vaerä, mbota oyeapɨ ipiche katu vae ko cheveguarä.

19Pemee vi metei kavara kuimbae oyeyukagüe cheɨ̈ro vaerä mbaeyoa re, jare mókoi vecha kuimbae taɨrusu vae metei año vae mbota yembopɨakatu pegua.

20Jare sacerdote togüɨrökuavee tomee cheróvai, mbɨyape mbaagüɨyerɨpɨ pegua ndive jare mókoi vecha kuimbae taɨrusu vae. Mbae oñeñono tee cheve vae ko, jare topɨta sacerdote peguarä.

21Jókuae ara peyapo yemboatɨ mbaemboete pegua, agüɨye mbae nunga mbaravɨkɨ ipoɨgüe peyapo; mborookuai jekuae avei pegua toiko peve jare peñemuña reta peguarä oipota rupi peikoa rupi.

22Pembaarɨvo yave, agüɨye opaetei pearɨvo jembeɨ rupi ave, agüɨye vi peyevɨka oyearɨvogüe re, peeya paravete vae reta peguarä jare ketɨgua reta peguarä. Che ko peYa Tumpa.”Arete temimbɨ guasu reta regua(Nm 29.1-6)

23YandeYa jei Moisés pe:

24“Ere Israel iñemuña reta pe: Tenondegua ara chiúa yasɨ pe, peyapo ara mbutuu pegua, peyapo yemboatɨ mbaemboete jare yemomaendúa pegua mimbɨñee rupi.

25Agüɨye mbae nunga mbaravɨkɨ ipoɨgüe peyapo; jare pemee mbota oyeapɨ cheve vae.”

Ara ñɨ̈ro pegua(Nm 29.7-11)

26YandeYa jei Moisés pe:

27“Payandepo ara kuae chiúa yasɨ re, toiko cheɨ̈ro vaerä mbaeyoa re vae pegua; pe pemee vae, mbota reta jare mbota reta peñererökuavee pemee vaerä vae ani mbota reta kɨ̈reɨ ngatu reve pemee cheve vae.

39Ërei jókuae chiúa yasɨ, quince ara pe, opa ma pemboɨru pembaagüɨye reta yave, peyapo arete cheve,Ex 23.16; 34.22. tenondegua ara toiko mbutuu pegua jare juría ara toiko vi mbutuu pegua.

40Tenondegua ara pe peru ɨvɨra reta ikavi yae vae iagüe, karandaɨ jäka, ɨvɨra jokɨ katu yae vae jäka jare sause ɨ̈aka rupigua, jare peyerovia che peYa Tumpa jóvai chiu ara rupi.

41Año ñavo chiúa yasɨ pe peyapo arete chiu ara cheve. Mborookuai jekuae avei pegua toiko peve jare peñemuña reta peguarä.

42O ñairaka pegua pe peiko chiu ara rupi, pe opaete Israel iñemuña reta,

43peñemuña reta oikuaa vaerä, che ko pogüɨnoe ɨvɨ Egipto güi vae jare pogüɨreko o ñairaka pegua pe. Che ko peYa Tumpa.”

44Körai Moisés imiari Israel iñemuña reta pe, arete reta ikavi yae vae oyeapo yandeYa pe vae re.