1Kuae ɨvɨ pe oime mbae ikavimbae yae ete opaete vae reta ipɨte pe aecha vae, jae ko:
2Tumpa omee amogüe pe täta oikokatu vaerä, imboetea yae vaerä, jare mbaetɨ mbae oata chupe vaerä; ërei mbaetɨ omaeño oyekou opaete jókuae iparavɨkɨagüe re, echa ko ambuae vaei oyekou jese.Sal 39.6. ¡Kuaekuae mbaeä etei ko, jare jasɨ katu yae ko!
3Yepe mona metei kuimbae güɨnoi cien taɨ, jare oiko ɨma año; ërei ɨma año oiko reve, mbaetɨ yave oyekou opaete mbaembae re ani mbaetɨ oñeotɨ kavi, che jae jókuae nunga pe, michia raɨ okuagüe jërakua kavi yeño jókuae kuimbae güi.
4Echa yepe tëi jókuae michia raɨ oa kaviä, jare jee okañɨ ye voi,
5mbaetɨ oecha kuaraɨ, mbaetɨ etei mbae oikuaa, ërei oputuu kavi jókuae kuimbae oikokatu tëi vae güi,
6echa jókuae kuimbae ipuere tëi oiko dos mil año, ërei mbaetɨ oyekou mbaembae güɨnoigüe re. Oyovakeño ko ¡opaete vae yogüɨraja meteia peño!
7Opaete kuimbae iparavɨkɨ jae ko okaru vaerä, ërei mbaetɨi yangapɨɨ.
8Echa yarakuaa vae, yarakuaambae ndive oyovakeño ko; ¿mbae pa güɨnoi paravete vae, oikatu reve oiko ïru vae reta ipɨte pe vae?
9Yaecha etei vae ko ikavi yae, jókuae yaechambae reve yaipota tëi vae güi. Ërei kuaekuae mbaeä etei ko, yayemoambekoiño ma ko jese.
10Añave oime ma vae, oyembojee ma ko jökorai vaerä, yaikuaa vi kuimbae ngaraa ipuere oñeraro jókuae Imbaepuere yae ete chugüi vae ndive.
11¡Añetete!, jeta miari oimea pe, jeta vi ñee osirivembae; mbaetɨ etei jókuae mbaerä ikavi.
12Echa, ¿kia pa oikuaa mbae ra ko ikavita kuimbae peguarä vae, opaete ara michi peguaño oiko ramboeve? Echa jekove oasa ko metei küaraɨa rami.Job 8.9; 14.2; Sal 39.5-6; 102.11; 109.23. ¿Omano güire, kia pa ipuereta jei chupe, mbae ra kuae ɨvɨ pe oasata vae?
Who We AreWhat We EelieveWhat We Do
2025 by iamachristian.org,Inc All rights reserved.
