JUECES 2 - Guarani Bible with DC

YandeYa iaraɨgua Boquim pe

1YandeYa iaraɨgua ojo Gilgal güi Boquim pe, jare jei Israel iñemuña reta pe: “Che ko pogüɨnoe ɨvɨ Egipto güi, jare pomoinge peñemuñagüe reta pe ɨvɨ arökuavee amee vaerä vae pe, echa jae chupe reta: ‘Ngaraai amboai cheñererökuavee pe ndive,

2pe reta mbaetɨ yave peyapo ñemoïru jókuae tëta pegua reta ndive, pemboai yave chugüi reta itumpa-raanga reta pe mɨmba oyeyuka oyeapɨ jese vae reta.’ jare joko pe omee reta mɨmba oyeyukagüe yandeYa pe.

Josué imano(Jos 24.29-31)

6Josué omondo ma Israel iñemuña reta yave, opa yogüɨraja metei ñavo iɨvɨ ae ae rupi yogüɨreko.

7Josué oikove ramboeve, opaete vae reta oyeokuai kavi yandeYa pe, jare opaete Josué iyaveigua tenondegua vae reta oikoveño vae reta jovake, jókuae oecha opaete mbae tuichagüe yandeYa oyapo Israel iñemuña reta peguarä vae.

8Ërei Josué, Nun taɨ yandeYa jembiokuai omano, ciento diez año güɨnoi yave.

9Jare oñotɨ reta iɨvɨ Timnat-sera pe, ɨvɨtɨ Gaas güi ɨvɨtuguasu kotɨ, ɨvɨtɨ Efraín pegua pe.

10Jare opa vi omano Israel iñemuña reta Josué iyaveigua. Jare jaɨkue rupi oñemuña vae reta mbaetɨ oikuaa yandeYa, mbaetɨ vi oikuaa reta opaete mbaembae oyapo Israel iñemuña peguarä vae.

Israel iñemuña reta opia yandeYa güi jare mburuvicha oporojäa vae reta jembiapo

11Jaɨkue rupi Israel iñemuña reta oyapo ikavimbae vae yandeYa jesa róvai, omboete reta tumpa ambuae reta Baal jee vae.

12Oeya reta yandeYa, iñemuñagüe reta iTumpa, Egipto güi güɨnoe reta vae, jare oguata reta tumpa ambuae reta jupíe, iyɨ́vɨri rupi tëta reta ñogüɨnoi vae itumpa reta, jókuae omboete reta; jökorai omboarasɨuka reta yandeYa.

13Oeya reta yandeYa jare omboete reta tumpa-raanga Baal jare Astarot.

14Jáeramo yandeYa iyarasɨ Israel iñemuña reta kotɨ, omee imonda vae reta opɨ̈ro vaerä chugüi reta imbaembae, jare omee vi jovaicho reta iyɨvɨrigua reta pe, jare mbaetɨ ma ipuere jovaicho reta re.

15Jare ñeraroa pe yogüɨraja reta yave, yandeYa mbaetɨ omborɨ reta, jae jei rami, oñererökuavee omombeu kavi voi chupe reta rami;Lv 26.14-26; Dt 28.15-46. jare oiporara yae reta.

16Jare yandeYa omopüa mburuvicha reta, oepɨ reta vaerä imbaembae opɨ̈ro chugüi vae reta güi.

17Ërei Israel iñemuña reta mbaetɨi oyeapɨsaka jókuae mburuvicha reta re, oguata reta tumpa ambuae reta jaɨkue, jare jókuae omboete reta. Jarembaeño opia reta iñemuñagüe reta oyapose Tumpa iporookuai vae güi.

18YandeYa omopüa yave mburuvicha, jae oï jókuae mburuvicha ndive, jare jae oepɨ Israel iñemuña reta jovaicho reta güi opaete ara oikove oiko ramboeve jókuae mburuvicha. YandeYa oiparareko omae jese reta, echa omoäse jovaicho reta oiporarauka chupe vae jare ombopɨatɨtɨ vae.

19Ërei jókuae mburuvicha omano yave, jae reta opa ye oyerova, jare oasa ete ye oikomegua reta iñemuña reta güi, oyeokuai jare omboete reta tumpa ambuae reta; jare mbaetɨ oeya reta jembiapo kavimbae jare jeko kavimbae reta.

20Jáeramo yandeYa iyarasɨ yae Israel iñemuña reta kotɨ, jare jei: “Kuae tëta güɨrokomegua morogüɨrökuavee päve ayapo iñemuñagüe reta ndive vae, jare mbaetɨ oipota oyapo reta cheporookuai.

21Jáeramo che mbaetɨta vi anoe amombo chugüi reta, metei ave tëtaguasu, Josué omano yave opɨta vae.”

22Kuae tëtaguasu reta rupi yandeYa ojäa vaerä Israel iñemuña reta, oipotata ra oguata reta iporookuai rupi iñemuñagüe reta rami ani mbaetɨta ra.

23Jáeramo yandeYa mbaetɨ jupiveiño opa güɨnoe omombo jókuae tëtaguasu reta, mbaetɨ omee Josué ipo pe, omaeño opɨta reta.