LEVÍTICO 17 - Guarani Bible with DC

Mbaemboetea jaevaeño

1YandeYa jei Moisés pe:

2“Ere Aarón taɨ reta pe, jare opaete Israel iñemuña reta pe: Jae ko kuae yandeYa mborookuai omee vae, jei körai:

3Oipotagüe kuimbae Israel iñemuña reta güi oyuka yave toro, vecha kuimbae taɨrusu vae ani kavara, teyupa pe ani teyupa güi ikatu pe,

4mbaetɨ yave güeru tupao guakapi pegua jöke pe, omee vaerä mbota cheve, o guakapi pegua jóvai, toyemboeko jókuae mɨmba jugüɨ opɨyere vae re; jókuae kuimbae toyemombo ete kavi jëtara reta ipɨte güi.

5Kuae oyeapo ko Israel iñemuña reta kerupi mɨmba oyukase vae güeru vaerä mɨmba cheve, tupao guakapi pegua jöke pe sacerdote pe, jare jae tomee jese reta mbota yembopɨakatu pegua cheve.

6Jare sacerdote toñapiramo jugüɨgüe pe mɨmba oyeyuka oyeapɨ jese vae, cheróvai oï vae, jare toapɨ ikɨragüe mbae ipiche katu vae cheveguarä.

7Jare agüɨye ye mo pemee mɨmba oyeyukagüe aña reta pe, pemboete jeko pegua peñererokomegua, kuae mborookuai jekuae avei pegua toiko peveguarä jare peñemuña reta peguarä.

8Ere vi chupe reta: Oipotagüe kuimbae Israel iñemuña reta güi, ani ketɨgua yogüɨreko pepɨte pe vae, omee yave mɨmba oyeyukagüe opaetei oyeapɨ vae ani ïru mɨmba oyeyukagüe.

9Ërei mbaetɨ yave güeru tupao guakapi pegua jöke pe omee vaerä cheve, jókuae kuimbae toyemombo ete kavi jëtara reta ipɨte güi.

Tugüɨ agüɨye vaerä oyeu

10Oipotagüe kuimbae Israel iñemuña reta güi ani ketɨgua reta yogüɨreko pepɨte pe vae güi jou yave tugüɨ, che tayovaicho jókuae tugüɨ jou vae ndive, che tamombo ete kavi jëtara reta ipɨte güi.Gn 9.4; Lv 7.26-27; 19.26; Dt 12.16,23; 15.23.

11Echa opaete oikove vae, tugüɨ re ko güɨnoi tekove, jare jókuae tugüɨ che amee peve, cheɨ̈ro vaerä peyoa re, mɨmba oyeyuka oyeapɨ jese vae re, echa tugüɨ etei ko omboaiHeb 9.22. mbaeyoa.

12Jáeramo jae Israel iñemuña reta pe: Agüɨye etei pegüi reta kia tou tugüɨ, ketɨgua reta pepɨte rupi yogüɨreko vae ave agüɨye tou tugüɨ.

13Oipotagüe kuimbae Israel iñemuña reta, ani ketɨgua reta yogüɨreko pepɨte pe vae, oyuka mɨmba ani güɨra oyeu vae yave, topɨyere jugüɨ jare toyatɨ ɨvɨ pe,

14echa opaete mɨmba oikove vae, tugüɨ re ko güɨnoi tekove. Jáeramo jae Israel iñemuña reta pe agüɨye vaerä jou mɨmba jugüɨgüe, echa opaete mɨmba tugüɨ re ko oikove, oipotagüe jou tugüɨ vae toyemombo ete kavi.

15Oipotagüe Israel iñemuña reta güi ani ketɨgua reta güi jou yave mɨmba omanoiño vae ani mɨmba pochɨ vae ñana rupigua jembia, toputuka jemimonde reta jare jae etei toyau vi, jare tikɨa topɨta Tumpa jóvai pɨ̈tu regua. Javoi topɨta ikɨambae.

16Ërei mbaetɨ yave oputuka jemimonde ani oyau, toiporara jeko oyapogüe.”