ISAÍAS 47 - Guarani Bible with DC

Tumpa iporojäa oa Babilonia re

1“Babilonia,

repɨtata imemano vae rami,

repɨtata imembɨmbae,

yepe tëi jeta reñepoano mbɨrae pe,

ani yepe tëi jeta reiporu mbaekuaa.

10Ndepɨa güive reyapo reiko ikavimbae,

reyemongeta mbaetɨ ko kia ndereecha vae.

Ndearakuaa katu yae vae ndembotavɨ,

reyemongeta ndepɨa pe, mbaetɨ yé kia ndegüi vae.

11Ërei outa mbaesusere nderé,

ngaraa ndepuere reyeopia mbɨrae reta pe;

resusereta, ngaraa ndepuere reyopia;

susere outa ndeve neparanoe.

12Epɨta jókuae mbɨrae reta ndive,

jókuae mbaekuaa reta ndive,

ndetaɨrusu güive remomora vae,

yaecha ikavi ndeve,

yaecha ra ndemborɨ.

13Jeta rereko ndemboarakuaa vae reta, reyembogüéraiti pɨpe.

¡Toyogüeru jókuae yasɨtata reta re oyemboe vae reta,

yasɨtata rupi mbae omoërakua raanga vae reta,

yasɨ ñavo omoërakua mbaembae outa vae reta,

toyogüeru jae reta tandereroasayepe!

14Ërei jae reta ko kapiiño,

tata oapɨ reta vae ramiñota,

ngaraa ipuere reta oyeepɨ tata güi.

Echa tata jätapɨi vaeä ko,

oguapɨ jare oyepee vaerä jóvai.

15Jökoraita ko oasa jókuae imbaekuaa jare ipɨrae vae reta,

ndetaɨrusu güive jae reta ndive peyopokuaa oyoe vae.

Metei ñavo yogüɨrajata jape jape ae rupi,

mbaetɨta kia ndereroasayepe vaerä.”