1Cherɨvɨ reta, jáeramo mbaetɨ chepuere pomomiari Espíritu Santo ipɨa pe oiko vae reta rami. Pomomiarita ko jeigüe rupiño yogüɨreko vae reta rami, oporogüɨrovia ramo vae reta rami.
2Amee ko peve michia necheño jou vae rami, mbaetɨ tembíuHeb 5.12-13. okuakuaagüe jou vae rami. Echa mbaetɨ vɨteri pepuere jare mbaetɨñota pepuere.
3Echa jekuaeño peiko pe peregüe reño. Echa jekuaeño peñemoägüɨro oyoe, peñoraro jare peyoambotaä ¿jaeä pa jókuae jeigüe reño oiko vae?, jare ¿oipotagüe kuimbae ramiño?
4Echa amogüe pe reta pere: “Che añetete ko aï Pablo ndive.” Amogüe jei: “Che ko aï Apolos ndive.”1 Co 1.12. ¿Jaeä pa jókuae jeigüe reño oiko vae?
5Pablo jare Apolos mbaeä ko. Ore reta ko royeokuai vaeño, orerupi peporogüɨrovia vaerä. Royapo ko mbaravɨkɨ metei ñavo yandeYa omee oreve rupi.
6Che amaetɨ,Hch 18.4-11. Apolos omboɨu,Hch 18.24-28. ërei Tumpa etei ko ombokuakuaa temitɨ.
7Jáeramo omaetɨ vae ani omboɨu vae mbaeä ko, jaeño ko Tumpa temitɨ ombokuakuaa vae.
8Omaetɨ vae jare omboɨu vae oyovakeño ko. Yepe tëi Tumpa omboekoviata metei ñavo pe iparavɨkɨ oï rupi.
9Echa ore ko roparavɨkɨ Tumpa ndive vae. Pe reta ko jae temitɨ Tumpa iko pegua rami, jare metei o Tumpa omopüa oï vae rami.
10Che ko jae ipoki o oyapo vae rami. Tumpa ipɨakavi rupi omee cheve añono vaerä o iguapɨkarä. Jare ïru vae ko jae omopüa oï o iguapɨka iárambo vae rami. Ërei metei ñavo tomae kavi kërai omopüa vaerä o iguapɨka iárambo.
11Mbaetɨ kia ipuere oñono ïru o iguapɨka oñeñono ma vae güi. Jae ko Jesucristo.
12Kia omopüa yave o iguapɨka iárambo oro, korepoti, ita ipöra yae vae, ɨvɨra, kapii ani atiɨgüe;
13metei ñavo vae iparavɨkɨ oyekuaata ko tata rupi morojäa iara pe, echa tata oechaukata mbae nunga mbaravɨkɨ oyapo metei ñavo vae.
14O iguapɨka iárambo kia nunga vae omopüa vae mbaetɨ ókai yave, jekoviata chupe jókuae.
15Ërei amogüe vae iparavɨkɨ ókai yave, mbaetɨ eteita jekovia chupe; ërei oyemboasaukata metei kuimbae ojoyepe tata güi vae rami.
16¿Mbaetɨ pa peikuaa pe reta ko jae Tumpa jo jare Tumpa iEspíritu oiko pepɨa pe vae?1 Co 6.19; 2 Co 6.16.
17Kia nunga vae omboai Tumpa jo vae, Tumpa omboaita vi. Echa pe reta Tumpa jo oñeñono tee vae ko.
18Agüɨye kia ave toyembotavɨ. Oime yave kia oyemongeta iyarakuaa katu ko arakuaa ɨvɨ pegua pe vae, toyeapo yarakuaambae rami, jökorai iyarakuaa katu yae vaerä.
19Echa Tumpa pe arakuaa kuae ɨvɨ pegua arakuaaä ko. Echa oyekuatía oï körai: “Tumpa oipɨɨ iyarakuaa vae reta jeko pe aeño.”Job 5.13.
20Jare: “YandeYa oikuaa iyarakuaa katu vae reta iyemongeta, oipotagüeño ko oyemongeta reta vae.”Sal 94.11.
21Jáeramo agüɨye kia toyemboete kuimbae reta re. Echa opaete mbaembae pembae ko:
22Pablo, Apolos, Cefas, ɨvɨ, tekove, mano, añave oyeapo vae jare opaete oyeapota vae, opaete pembae ko.
23Jare pe reta ko jae Cristo imbae, jare Cristo ko jae Tumpa imbae.
Who We AreWhat We EelieveWhat We Do
2025 by iamachristian.org,Inc All rights reserved.
