1Kuae jae ko ñee reta morogüɨrökuavee päve pegua, yandeYa oyókuai Moisés oyapo vaerä Israel iñemuña reta ndive ɨvɨ Moab pe vae, jókuae morogüɨrökuavee päve oyapo Horeb pe vae oime güire.
2Moisés omboatɨ opaete Israel iñemuña reta, jare jei chupe reta:
“Pe reta peecha ko opaete mbaembae yandeYa oyapo perovake ɨvɨ Egipto pe vae, Faraón pe, jembiokuai reta pe, jare opaete iɨvɨ pe vae,
3pe reta peecha ko opaete jókuae yemboaporova tuichagüe jare mɨakañɨ tuichagüe.
4Ërei mbaetɨño yandeYa omee peve peikuaa vaerä, peecha vaerä jare peendu vaerä mbae ko oipota jei opaete kuaekuae vae.
19Ërei kia nunga vae oendu kuae mborookuai jei vae reve jei yave iyeupe: ‘Che anoita mbɨakatu, yepe tëi ayapo che jaegüe; asavaɨpo rupi amboasata ɨuve.’
20YandeYa ngaraa oipota iñɨ̈ro chupe, oitɨta iyarasɨ, oata jese opaete yepopeyu reta kuae tembikuatía pe oï vae, yandeYa omokañɨteita iñemuña reta ɨvɨ iárambo güi.
21YandeYa ombosɨrɨta opaete Israel iñemuña reta güi, jare ombouta jese ikavimbae, yepopeyu reta morogüɨrökuavee päve pegua oyekuatía oï tembikuatía mborookuai pegua pe vae.
22Jare peñemuña reta peraɨkue rupi oimeta vae, jare ketɨgua mombɨrɨ güi ou vae, oecha mbae ikavimbae jare mbaerasɨ reta yandeYa ombou kuae ɨvɨ pe vae yave;
23oecha retata azufreño, yukɨ jare ɨvɨ okaigüeño. Mbaetɨta mbae ipuere oñeotɨ pɨpe, mbaetɨta vi mbae oñemuña pɨpe, mbae nunga ñana ave mbaetɨta oñemuña pɨpe, Sodoma,Gn 19.24-25. Gomorra, Adma jare Zeboim oñemokañɨtei yave rami, yandeYa iyarasɨ jeko pegua omboai kuae tëta reta.
24Jayave opaete tëtaguasu pegua reta jeita: ‘¿Maera ra Tumpa jökorai oyapo kuae ɨvɨ? ¿Mbae re ra iyarasɨ mbatee?’
25Jare jei retata: ‘IYa Tumpa oyapo morogüɨrökuavee päve iñemuñagüe reta pe vae oeya reta jeko pegua, ɨvɨ Egipto güi güɨnoe yave omee chupe reta vae,
26jare opa yogüɨraja omboete tumpa ambuae reta, oyetavatɨka reta jóvai, jae reta mbaetɨ oikuaa vae pe, mbaetɨ metei ave mbae omee chupe reta vae pe.
27Jáeramo Tumpa iyarasɨ kuae ɨvɨ pe, güeru vaerä opaete yepopeyu reta kuae tembikuatía pe oï vae;
28jare güɨnoe omombo iɨvɨ güi iyarasɨ yae ete reve, opa güɨnoe omombo ïru ɨvɨ kotɨ, añave oyekuaa oï rami.’
29Opaete mbaembae yaikuaambae, yandeYa Tumpaño ko oikuaa; ërei oikuaauka vae yandeveguarä ko jare yanderaɨ reta peguarä ko, jekuae avei pegua, yayapo vaerä opaete ñee reta kuae mborookuai pe oyekuatía oï vae.
Who We AreWhat We EelieveWhat We Do
2025 by iamachristian.org,Inc All rights reserved.
