1-2Jare opaete vae reta oikuaa mburuvicha guasu oäpiro ko oiko taɨ Absalón yave, yogüɨraja omombeu Joab pe. Jökorai jókuae ara iporomoamɨri oyepoepɨ mbɨatɨtɨ pe.
3Jáeramo, sundaro reta oike vɨariño ye tëta guasu pe jókuae ara; sundaro reta ñeraro güi opa otekuarai vae imara güi oike vɨari rami.
4Mburuvicha guasu oñeäka-soi jare osapúkai täta: “¡Cheraɨ, Absalón! ¡Cheraɨ, Absalón!”
5Jayave Joab ojo mburuvicha guasu pɨri, jare jei chupe:
—Cheruvicha guasu, kuae ara opa remomaraiuka nderembiokuai reta nderekove oepɨ vae, nderaɨ reta, nderayɨ reta, nderembireko reta jare ïru kuña rerekoiño vae reta jekove oepɨ vae reta.
6Ërei kuae ara reechauka oreve, kërai mbaetɨ etei ndepɨa oï nderembiokuai reta kotɨ; echa reaɨu nemotareɨ vae jare remotareɨ nderaɨu vae reta. Kuae ara aecha, reyeroviata yepe Absalón oimeño oikove yave, yepe tëi ore opaetei romano.
7Añave epüa jare eë embopɨakatu nderembiokuai reta; echa mbaetɨ reë yave, yandeYa jee re tae ndeve kuae pɨ̈tu voi mbaetɨta opɨta nde ndive metei kuimbae ave. Jókuae ngaraa etei ma ikavi, opaete ikavimbae ou ndeve ndetaɨrusu güive vae güi.
8Jayave mburuvicha guasu opüa jare ojo oguapɨ tëta guasu jöke pe. Jare jërakua opaete vae reta pe mburuvicha guasu oime oguapɨ öke pe oï yave, yogüɨraja reta jóvai.
David ou ye Jerusalén peIsrael pegua reta yepe opa otekuarai jëta jëta ae kotɨ.
9Jare opaete vae, Israel iñemuña reta jëta ñavo rupi oyoaka reta: “Mburuvicha guasu David yandereepɨ yanderovaicho reta güi, filisteo reta ipo güi; ërei añave otekuarai kuae ɨvɨ güi Absalón güi okɨɨye jeko pegua.
10Jare Absalón, yaiparavo tëi yanderuvicharä vae omano ñeraro pe. ¿Mbae pa ñaäro, maera pa mbaetɨ yaru ye mburuvicha guasu?”
11Jare mburuvicha guasu oikuaa jókuae regua yave, omondo jei sacerdote Sadoc jare Abiatar pe: “¡Pemomiari Judá pegua tenondegua reta, pere chupe maera pa jae reta ndeiño ombou aja ye vaerä;
12pere chupe reta maera pa jae reta taɨkue ramo omombeuta aja ye vaerä, jae reta ko cherëtara ete kavi!”
13Jare oyókuai vi jei vaerä Amasa pe: “Nde cherëtara ete kavi ko, jayave añave güive nde reïta chesundaro reta itenondegua eterä, Joab jekovia pe. Jare mbaetɨ jökorai ayapo ndeve yave, Tumpa täta toiporarauka cheve.”
14Jökorai omokɨ̈reɨ opaete kuimbae reta Judá pegua, jayave jae reta metei rami omondo jeiuka ou ye vaerä mburuvicha guasu opaete isundaro reta ndive.
15Jayave mburuvicha guasu oyerova ye, ou oväe ɨ̈aka Jordán pe. Jare opaete Judá pegua reta yogüɨraja Gilgal pe oövaiti jare güɨroasa vaerä mburuvicha guasu ɨ̈aka Jordán.
16Jare Simei2 S 16.5-13. tëta Bahurim pegua, Gera taɨ, Benjamín iñemuña pegua, iyangeko ojo kuimbae Judá pegua reta ndive oövaiti vaerä mburuvicha guasu David.
17Mil kuimbae Benjamín iñemuña pegua yogüɨraja jae ndive. Jaeramiño vi Siba, Saúl jembiokuaigüe ou quince taɨ ndive jare veinte jembiokuai reta ndive; omopane mburuvicha guasu opa yogüɨraja oväe Jordán pe
18oasa reta güɨroasa vaerä mburuvicha guasu jo pegua reta, ombopɨakatu vaerä. Jare mburuvicha guasu oasa ma ɨ̈aka yave Simei ou jare oyetavatɨka itindɨ jóvai,
19jare jei chupe:
—Neɨ̈ro cheve cheya, agüɨye nemaendúa cheve ikavimbae ayapo ndeve Jerusalén güi reë yave vae re. Agüɨye ndearasɨ eiko cheve ndepɨa pe,
20echa che aikuaa ko cheyoa vae, jare añave opaete José iñemuña reta pegua che räri ayu roövaiti.
21Jayave Abisai, Sarvia imembɨraɨe jei:
—¿Mbaetɨta pa omano Simei, iñee jasɨ katu mburuvicha guasu yandeYa jembiparavo kotɨ vae?
22Ërei David jei:
—¿Maera pa jökorai peyemongeta cheve Sarvia imembɨraɨe reta? Echa aikuaa aï ye ma ko mburuvicha guasurä kuae ara, jayave mbaetɨta kia omano Israel pe kuae ara.
23Javoi jei Tumpa jee re Simei pe, mbaetɨta omano vae.
24Mefi-boset,2 S 9.1-13; 16.1-4. Saúl jɨmɨmino ou vi oövaiti mburuvicha guasu. Mbaetɨ yepe oyoe ipɨ, mbaetɨ oñapi jendɨvaa jare mbaetɨ oputuka jemimonde mburuvicha guasu oë güive, ou ye regua mbɨakatu ndive.
25Mefi-boset ou mburuvicha guasu pɨri Jerusalén pe yave, jae jei chupe:
—Mefi-boset, ¿maera pa mbaetɨ reo cherupíe?
26Jare jae jei:
—Cherembiokuai chembotavɨ cheya. Echa che aguatambae ko, jáeramo jae tëi chupe oyokua vaerä mburika cheve, aja vaerä tëi nderupíe cheya.
27Ërei jae yapu ndeve chekotɨ. Ërei nde cheruvicha guasu Tumpa iaraɨgua rami ko, eyapo jaekavi ndeve vae.
28Echa yepe tëi opaete cheru jo pegua reta jupi omano vaerä, ërei jeseve nde reparea cheve akaru vaerä ndeɨpɨ pe. ¿Mbae ye pa chepuere aeka ndeve?
29Mburuvicha guasu jei chupe:
—Maera ye pa yayoakata. Ayemongeta ma nde jare Siba pemboyao vaerä ɨvɨ peyeupe.
30Ërei Mefi-boset jei chupe:
—Jae topɨta opaete ɨvɨ ndive, ikavi yae ete vae jae ko mburuvicha guasu ou ye ma jo pe.
31Barzilai,2 S 17.27-29. ɨvɨ Galaad pegua ou vi tëta Rogelim güi, oasa ɨ̈aka Jordán jare omborɨ mburuvicha guasu oasa ɨ̈aka.
32Barzilai indechi yae ma, güɨnoi ma ochenta año, jae omee jeta mbaembae mburuvicha guasu David pe, ojo oväe tëta Mahanaim pe yave, echa kuimbae oikokatu yae vae ko.
33Mburuvicha guasu jei Barzilai pe:
—Yaja che ndive Jerusalén pe, joko pe che roangarekota.
34Ërei Barzilai jei:
—Mbaetɨta ma ɨma aiko aja vaerä nderupíe Jerusalén pe,
35anoi ma ochenta año; akaru yave, mbaetɨ ma aikuaa jëe ngatu vae ani mbaetɨ vae; jare mbaetɨ ma vi chepuere aendu otairari vae reta itairari. ¿Maera pa ajaiñota romboavai vaerä cheruvicha guasu?
36Romoïruta Jordán jovaicho kutɨ mi, ¿maera pa reipota remboekovia mbatee cheve?
37Romoñera, remaeño vaerä aja ye cherëta kotɨ, joko pe tamano cheru jare chesɨ jɨvɨa ñogüɨnoia pe. Ërei ko oï nderembiokuai cheraɨ Quimam; jae tojo nderupíe, chupe eyapo jaekavi ndeve vae.
38Jare mburuvicha guasu jei chupe:
—Toasa che ndive Quimam, jare tayapo chupe ndeve jaekavi vae; opaete mbaembae reiporu cheve vae tayapo ndeve.
39Jare opaete vae oasa Jordán. Jare mburuvicha guasu oasa güire oovapɨte oyupavo vaerä chugüi, jare jei ñee kavi chupe. Jayave Barzilai ojo ye jëta kotɨ.
40Jare mburuvicha guasu ojo Gilgal pe, ojo jupíe Quimam jare opaete Judá pegua reta jare vi Israel pegua reta mbɨte rupi.
41Jayave opaete Israel pegua reta yogüɨraja mburuvicha guasu pɨri jare jei chupe reta:
—¿Maera pa orerëtara Judá pegua reta oyemombae rami nderé oreruvicha? Ndereroasa reta ɨ̈aka Jordán opaete ndero pegua reta jare ndesundaro reta ndive.
42Ërei opaete Judá pegua reta jei Israel pegua reta pe:
—Mburuvicha guasu orerëtara ete kavi ko. ¿Maera pa pearasɨ jókuae re? ¿Rou pa mburuvicha guasu jembíu chugüi? ¿Roipɨɨ pa chugüi mbae nunga mbota?
43Jayave Israel pegua reta jei Judá pegua reta pe:
—Ore oime rogüɨnoi pegüi mburuvicha guasu David re payandepo ye yekou, jare oreñemuñagüe reta ko tenondegua peñemuñagüe reta güi, ¿maera pa mbaetɨ oremboete? ¿Ore räriä pa royemongeta tëi rogüeru ye vaerä oreruvicha guasu?
Ërei Judá pegua reta iñee oasa jasɨ katu yae Israel pegua reta güi.
Who We AreWhat We EelieveWhat We Do
2025 by iamachristian.org,Inc All rights reserved.
