1Jayave omondo reta chupe ñee rejäa reta jei vaerä chupe:
2“Ore reta jae vi ko mburuvicha guasu Nabucodonosor, jembiokuai reta, jayave jaema ko roï ndepɨ igüɨ pe mburuvicha; eyapo ore ndive ndepɨa potaa.
3Opaete orero reta oreɨvɨ reta, oreremitɨ trigo reta, oreguaka, orevecha reta, jare opaete orerɨmba reta roñono ndepo pe; mburuvicha eyapo ndepɨa pota chupe.
4Orerëta reta jare opaete kuae pe roiko vae reta oï ndepo pe; eyuño mburuvicha, jare toiko nde reregüe vae.”
5Jare ñee rerajaa reta yogüeru oyemboɨ Holofernes jóvai jare opa jókuae jei reta chupe.
6Jaema jayave jae ogüeyɨ isundaro reta ndive ɨ guasu jembeɨ kotɨ, jare oñono isundaro reta tëta reta jëguambae ñogüɨnoi vae rupi jare joko güi oiparavo ye isundaro reta imborɨarä.
7Jókuae tëta reta rupi jare ketɨgua tëta rupigua reta täta oyerovia reve omboresive reta jare opɨrae reta chupe angúa pe.
8Ërei Holofernes opañoi omboai chugüi reta itupao, jare opa oitɨ chugüi reta iyɨ́vɨri ipokoambae vae reta, echa güɨnoi mborookuai, opa vaerä omokañɨtei opaete tumpa reta oï kuae ɨvɨpe vae, ipuere vaerä opaete tëta ipo reta Nabucodonosorño etei omboete, oipotagüe iñee tee vae reta ani ramo jëta tee vae reta vi Tumpa rami omboete vaerä.
9Jare jökorai Holofernes ou oväe köiño Esdrelón güi, Dotán iyɨpɨ pe, Judea ɨvɨtɨ jɨsɨ ojo vae jóvai.
10Jare oyembojeyupa reta Gabá jare Escitópolis güi ipäu pe, metei yasɨ omboatɨ reta yogüɨreko isundaro reta jembiurä.
Who We AreWhat We EelieveWhat We Do
2025 by iamachristian.org,Inc All rights reserved.
