1Mburuvicha guasu jare Amán yogüɨraja Ester oyapo arete okaru reta vaerä vae pe.
2Jare mokoía ara ma okau reta yave mburuvicha guasu jei Ester pe:
—¿Mbae pa ko jae reiporu vae Ester? Oñemeeta ndeve, yepe tëi mbɨte rupi mborookuaía.
3Jayave Ester mburuvicha guasu jembireko jei:
—Mburuvicha guasu, ndepɨakatu ko cheré yave, jare jaekavi ko ndeve yave, aiporu neɨ̈ro vaerä cherekove pe jare cherëtaɨgua reta jekove pe;
4echa che jare cherëtaɨgua reta roñemee roï opa vaerä romano jare opa vaerä rokañɨtei. Tembiokuairä roñemee yave chekïriiñota tëi; ërei jókuae tovaicho oyapogüe ngaraa etei jaekavi mburuvicha guasu iporookuaía peguarä.
5Mburuvicha guasu Asuero jei Ester pe:
—¿Kia pa, jare ketɨ pa oime oï jókuae oyemongeta ikavimbae yae oyapo vaerä vae?
6Ester jei:
—¡Tovaicho jare ikavimbae yae oyapo vae, jae ko kuae Amán ipɨapochɨ vae!
Jayave Amán jova iyu yae opɨta okɨɨye güi mburuvicha guasu jare jembireko jóvai.
7Javoi mburuvicha guasu opüa jókuae okarúa güi, iyarasɨ yae reve oë ojo joka pegua kó raɨ pe; Amán opɨta omoñera Ester güɨroasayepe vaerä jekove; echa oikuaa mburuvicha guasu oyukata ko.
8Mburuvicha guasu ou ye kó raɨ kotɨ güi okarúa pe yave, oecha Amán oyetavatɨka oï, Ester oyapakua oïa re, jayave mburuvicha guasu jei:
—¿Reipota pa repoko Ester re chero pe etei?
Jökorai jei yave, jembiokuai reta oñova Amán jova.
9Jare metei jembiokuai eunuco Harbona jee vae jei mburuvicha guasu pe:
—Mase, oime Amán jëta pe oyatɨka ɨvɨra veintidó metro ɨvate vae oeterasa vaerä jese Mardoqueo, jókuae kuimbae omombeu ndeve ndemomburu vae reta regua vae.
Jayave mburuvicha guasu jei:
—¡Peeterasa jese!
10Jökorai oeterasa reta Amán ɨvɨra omokätɨro tëi Mardoqueo peguarä vae re. Jökorai mburuvicha guasu iyarasɨ poi.
Who We AreWhat We EelieveWhat We Do
2025 by iamachristian.org,Inc All rights reserved.
