1Oime mboapɨ mbae aipota vae
jare Tumpa omboyerovia vae jare kuimbae reta:
Ñemoïru oñoëtara vae reta ndive vae, jare ñochëi ñanerëta-ɨpɨ pegua reta ndive vae
jare vɨakatu oyogüɨreko vae reta ndive vae.
2Jare oime mboapɨ mbae kuimbae reta güi aröɨro vae,
täta ipöraä cheve jökorai yogüɨreko vae:
Paravete reve oyembotuicha vae oikokatu reve jäkateɨ vae
jare indechi reve ikuña pota jare yarakuaambae vae.
3Ndetaɨrusu yave mbaetɨ reeka arakuaa yave,
¿këraita ya reväe ndendechi ma yave?
4¡Täta jaekavi opɨta iñäkatï vae reta oporojäa vaerä,
jare indechi vae reta omee vaerä arakuaa ikavigüe vae!
5¡Täta jaekavi opɨta indechi vae reta iyarakuaa katu vaerä,
jare oyemboete vae reta pe omee vaerä arakuaa jaekavigüe vae!
6Mbae yaikogüe jae ko indechi vaerä iñäka-regua,
jare iyerovia tuicha vae jae ko omboete vaerä Tumpa.
7Oime chau ani ramo payandepo kuimbae reta
oiko kavi vae:
¡Toyerovia kuimbae ovɨakatu imichia reta ndive vae,
jare oiko oiko jovaicho oecha omano regua vae!
8¡Toyerovia kuimbae kuña yarakuaa katu vae güɨreko vae,
jare kia oarambae mburika oyoayu güeye ndive vae pe vae!
¡Toyerovia kia ñavo mbaetɨ iyoa ikü jeko pegua vae,
jare kia ñavo mbaetɨ oyeokuaiuka chugüi má oyemboete mbae pe!
9¡Toyerovia kia oväe metei ichëirä vae,
jare kia ñavo mbaetɨ imiari iyapɨsa mbae pe vae!
10¡Toasa ete toyerovia kia arakuaa oväe vae,
ërei ngaraa omboyovake kia Tumpa omboete vae!
11Tumpa yamboete vae oï ko opaete mbae iárambo;
ngaraa kia ipuere oyemboyovake oime mbae güɨnoi vae ndive.
Kuña pochɨ vae jare teko kavi vae13¡Mbaetɨ ko yembopere oasa ete ikavimbae yandepɨa pegua yembopere güi vae,
ani ramo mbae oasa ete ikavimbae kuña oyapogüe güi vae!
14¡Mbaetɨ ko tembiporara oasa ete vae ñemotareɨ rupi yaiporara vae güi vae,
ani ramo oasa ete yayepɨ vaerä tovaicho iyepɨ güi vae!
15¡Mbaetɨ ko mbayachi mboi imbayachi rami vae,
ani ramo mbochɨ kuña pochɨ rami vae!
16Má ikavi aiko vaerä yaguapope ndive ani ramo mbaeporou ndive,
aiko vaerägüe kuña jeko kavimbae vae ndive.
17Kuña jeko ikavimbae oasa ete ime
omboova pochɨ oso jova güi.
18Jae oï ichëi vae reta pɨri yave
ipɨa rupiä ipɨayekɨi.
19Oipotagüe mbae ikavimbae reta michi ko, yamboyovake vaerä kuña oyapogüe ndive;
jókuae jae ko imbaeyoa vae oiporara vaerä vae.
20Metei ndechi ɨvɨtɨti re oyeupi vae rami ko
kuña imiari pota vae metei kuimbae oñerambae vae pe.
21Agüɨye eyembotavɨuka metei kuña ikavi vae güiño
ani ramo agüɨye eipota oime güɨnoigüe,
22echa täta ko pɨ̈chɨi jare ñemomarai ko
kuña omongaru vaerä oiko ime.
23Ipo rëogüe, itava orɨrɨi katu:
Jökorai ko oiko kuimbae jembireko omboyerovia mbae vae.
24Metei kuña rupi ko oyemboɨpɨ mbaeyoa,
jare jupi vi ko opaete vae ñamano.
25Agüɨye emoë ɨ metei ɨ̈aka güi,
ani ramo eyora metei kuña jeko kavimbae vae.
26Mbaetɨ oiko nde rerea re yave,
embosɨrɨ ndeyeugüi.
Who We AreWhat We EelieveWhat We Do
2025 by iamachristian.org,Inc All rights reserved.
