1YandeYa Tumpa iEspíritu oï cheré,
echa yandeYa ko cheparavo;
chembou amoërakua vaerä ñee ikavi vae oiporara vae reta pe,
ambogüera vaerä ipɨatɨtɨ vae reta,
amoërakua vaerä yeyora tembipɨɨ reta pe,
jare tembipɨɨrɨru oyepea vaerä tembipɨɨ reta pe;
2amoërakua vaerä yandeYa ipɨakavi
3amee vaerä opaete Sión pe ipɨatɨtɨ ñogüɨnoi vae reta pe,
oime vaerä mbaemboete, mbɨatɨtɨ jekovia pe,
yerovia katu toñemee mbae ikäti vae rami temimonde mbɨatɨtɨ pegua jekovia pe;
asoya yerovia pegua, mbɨatɨtɨ jekovia pe.
Jare oyembojeeuka retata: “Ɨvɨra jupi vae”,
yandeYa jemitɨ, jae iyemboetea peguarä.
4Oñemopüa pɨau yeta arakae ma oyemboaigüe reta,
ɨma yae ma o reta opa oyemboai vae oñemopüata,
tëta guasu oyemboai vae oyeapo kavita.
5Ketɨgua reta oyangarekota pevecha reta re,
jare peko reta rupi jare peuvarupa reta rupi
oparavɨkɨ retata peve.
6Jei retata pekotɨ, Tumpa isacerdote reta,
Tumpa pe oyeokuai vae reta.
Peyekouta ïru tëtaguasu reta imbaeyekou re,
jae reta iyemboetea pe peyemboeteta.
7Echa pe chembae vae reta peiporara yae ko
ñemotareɨ jare yeyóyai yóyai reta,
jáeramo peɨvɨ pe oyoarambo yeta pekotɨ yemboete,
jare peyekou yaeta jekuae avei pegua.
8Echa che peYa, jupi vae oaɨu vae ko,
amotareɨ ko mɨmba oñeomi oñemee mɨmba oyeyukagüe opaetei oyeapɨ vaerä vae.
Che, ameeta jupi rupi kavi mbota mbaravɨkɨ re,
jare ayapota morogüɨrökuavee päve jae reta ndive
jekuae avei pegua.
9Jërakua yaeta iñemuña reta opaete tëtaguasu reta rupi;
opaete oecha vae, oikuaata jae ko metei tëta Tumpa iporerekua jese vae.
10¡Ayerovia yae cheYa re!
Chepɨa oyerovia yae cheTumpa re,
echa chemboyemonde yereroasayepe pe, temimonde pegua pe rami.
¡Cheöva jupi vae pe, ñeapevaka pe rami!
Omendata vae oyemonde rami,
kuñatai oñemopöra äka-regua jepɨ vae pe rami.
11Echa ɨvɨ pe jokɨ ɨvɨra,
jare kó raɨ pe jokɨ pɨau temitɨ vae rami ko,
jökorai yandeYa Tumpa oyapota jupi vae,
jare opaete tëtaguasu reta otairarita ombaemboete.
Who We AreWhat We EelieveWhat We Do
2025 by iamachristian.org,Inc All rights reserved.
