1Guasukaka iɨuve yae vae oeka ɨ ɨ̈aka pe vae rami,
jökorai che roeka, cheRu Tumpa.
2Cheɨuve yae rami ndekotɨ cheTumpa,
nde, cheTumpa oikove vae.
¿Kërai yave ra aïta cheTumpa jóvai?
3Ara pe jare pɨ̈tu rupi ayaeo reteiño,
jei reteiño ramboeve cheve reta:
“¡Ketɨ oime oï neTumpa!”
4Chemaendúa kuae mbaembae re yave,
ayembopɨatɨtɨ yae.
Chemaendúa kërai aja jeta vae ndive,
araja reta Tumpa jo kotɨ,
sapúkai yerovia pegua jare mbaemboete pegua ipɨte pe aja.
¡Arete tuichagüe ko jókuae ara!
5¿Maera pa ayembopɨtuta?
¿Maera pa ayemoambekota?
Cheporoäro anoi ko Tumpa kotɨño,
jekuae ñotai amboete.
¡Jae ko cheRu Tumpa, chereroasayepe vae!
6CheRu Tumpa, chepɨatɨtɨ yae aï.
Jáeramo chemaendúa yae ndekotɨ;
ɨ̈aka Jordán iɨvɨ kotɨ güi,
ɨvɨtɨ Hermón jare Mizar kotɨ güi.
7Ndetororomba oyeendu jɨapu ɨvɨsoro pe;
opaete ɨaparúa rembou vae opa cheasoi.
8Ërei, ara pe cheYa ombou cheve iporoaɨu,
jare pɨ̈tu yave atairari chekueraimbae,
jare ayerure cheTumpa cherekove iya pe.
9Jaeta cheTumpa pe, ita guasu cheñepɨ̈roa pe:
“¿Maera pa neakañɨ chegüi?
¿Maera pa aikota mbɨatɨtɨ pe,
cherovaicho reta jasɨ katu cherereko vae pe?”
10Kia chekägüe ombopere rami,
cherovaicho reta chemomarai vae,
jei reteiño cheve reta:
“¡Ketɨ oime oï neTumpa!”
11¿Maera pa ayembopɨtuta?
¿Maera pa ayemoambekota?
Cheporoäro anoi Tumpa kotɨño,
jekuae ñotai amboete.
¡Jae ko cheRu Tumpa, chereroasayepe vae!
Who We AreWhat We EelieveWhat We Do
2025 by iamachristian.org,Inc All rights reserved.
