SALMOS 57 - Guarani Bible with DC

SALMO 57Yerure yereroasayepe pegua oporoaɨkuemoña vae reta güi(Sal 108.1-5)

1CheRu Tumpa, cheparareko,

cheparareko, echa nderé ayeko.

Ndepepo igüɨ pe añepɨ̈rota oasa regua mbaesusere reta.

2Tayerure ndeve, nde Tumpa Tuichagüe yae vae pe,

nde reyapo ikavi vae cheve vae,

3rembouta ndeporoaɨu ara güi jare chereroasayepeta,

iyarasɨ reve cheraɨkuemoña vae reta güi.

4Cherekove oï yaguapope reta ipɨte pe rami,

ayepɨso aï oporou vae reta ipɨte pe;

jäi reta mii rami jare uvɨ rami,

ikü, kɨsepuku oyeimbeegüe rami.

5CheRu Tumpa, nde ko ɨvate yé ara güi vae.

¡Ndeyemboetea tɨnɨe oï opaete ɨvɨ!

6Ñuai oñono reta cheraperä pe,

chembopɨatɨtɨ yae reta;

ɨvɨkua oyoo reta cheraperä pe,

ërei jae reta yeño opa oa pɨpe.

7CheRu Tumpa, chepɨa oïndaivi oï;

aïndaivi aï, atairari vaerä ndeve tairari.

8Tapüa ndeimboveasɨ;

arpa jare ngitara, epa.

9CheYa Tumpa, toromboete tairari pe opaete vae reta ipɨte pe,

tatairari ndeve tëtaguasu reta ipɨte pe.

10Echa ndeporoparareko oupitɨ ara,

neñee rembopo avei vae ɨvate amapɨtu rami.

11CheRu Tumpa, nde ko ɨvate yae ara güi vae.

¡Ndeyemboetea tɨnɨe oï opaete ɨvɨ!